web counter
LEXO PA REKLAMA!

SHKARKO APP

App Store
Google Play

Vaksinimi kundër Covid-19/ Basha: Shumica e gazetarëve e kanë refuzuar, nuk ka transparencë

15 Prill 2021, 20:58, Politikë CNA

Kryetari Partisë Demokratike, Lulzim Basha, ka folur mbrëmjen e sotme për vaksinimin e qytetarëve kundër Covid-19.

Basha tha se ka të dhëna se shumica e gazetarëve dhe operatorëve kanë refuzuar të marrin vaksinën, ndërsa kërkoi më shumë transparencë nga qeveria për vendin nga vijnë këto vaksina.

?Sipas të dhënave shumica e gazetarëve dhe operatorëve kanë refuzuar të bëjnë vaksinën sepse kur nuk ka transparencë, nuk ka besueshmëri. Nuk ka rrugë tjetër për të luftuar me efektivitet pandeminë përveç vaksinimit.

Vaksinimi nuk është proces personal, shqiptarët duhet ta kuptojnë se vaksinat blihen me paratë e shqiptarëve. Besueshmëria vjen përmes transparencës, si mund të ketë transparencë kur t?i thua po sjell një çantë por nuk po e them nga erdhi, kur ti e kthen procesin në fushatë për interesa private, politike apo elektorale. Si në tetë vite edhe në menaxhimin e pandemisë, ky kryeministër ka dështuar për shkak të mungesës së transparencës që ka rrënuar besueshmërinë?, u shpreh ai në emisionin ?Log? të Endri Xhafos.

Basha pretendon se po të jetë ai në qeveri, vaksinimi do të ecë me ritme më të shpejta dhe qytetarët do të kenë më shumë besim.

?Shqiptarët meritojnë vaksinim të sigurt. Drejtuesi politik duhet t?u qëndrojë parimeve. Unë flas si drejtuesi i ardhshëm i qeverisë shqiptare. Drejtuesi në ikje i qeverisë shqiptare duhet të kishte garantuar transparencën, besueshmërinë dhe që shqiptarët të merrnin vaksina të certifikuara. Me ne procesi i vaksinimit është i garantuar që do të ecë shpejt dhe me vaksina të certifikuara që do të rrisin besueshmërinë dhe administrimin sa më të shpejtë të tyre te e gjithë popullata shqiptare?, theksoi kreu i opozitës./ CNA.al





Lajmet e fundit nga