E fundit!

19:02 Aktualitet

"Na e kaluan njëherë topin për shalësh"/ Rama nuk tërhiqet për investimin në Zvërnec

Kryeministri Edi Rama ndodhet në Malin e Zi, ku ka ndarë p...

“E ke kthyer partinë në biznes, o i pabesi holandez/ Si e sulmonte Mesila Doda, Lulzim Bashën

16 Prill 2021, 06:57, Politikë CNA

E 12 -ta në listën e kandidatëve për deputetë në Qarkun e Tiranës, Mesila Doda synon një karrige në Kuvendin e Shqipërisë.

Në krah të Lulzim Bashës, të cilin dikur e sulmonte dhe e akuzonte, Doda shfaqet me një tjetër fytyrë politike kundrejt kreut të PD-së.

Sot, pranon të jetë aleate e Bashës dhe pjesë e Opozitës që udhëhiqet prej tij, me justifikimin se bashkë do të rrëzojnë Edi Ramën.

Por, disa vite më herët, kohë kur ishte ende pjesë e Partisë Demokratike, Doda deklaronte se Basha e kishte kthyer partinë në sindikatë.

Në vitin 2014, Doda ka pohuar se ndërsa mazhoranca po i bën opozitë vetes, Lulzim Basha organizon bisedime me sindikatat, duke nënkuptuar se po e kthen Partinë Demokratike në sindikatë.

?Kam dëgjuar shpesh të thuhet se opozita është frymë, është inspirim, është moral. Të ç?bëhet roli i një grupi të madh parlamentar, nuk sjell as frymë dhe as inspirim?, ka deklaruar Doda.

Dhe pas largimit nga PD, në vitin 2015 dhe bashkimit me PDIU-në në vitin 2016, Doda vetëm sa i ka përshkallëzuar akuzar dhe sulmet ndaj Lulzim Bashës.

Ajo paralajmëronte kreun e PD-së, se herë tjetër do t?i shkonte më thellë disa të vërtetave që dihen dhe nuk dihen.

?Ti e ke kthyer në biznes partinë që frymëzoi shumë nga ne. Nuk kam frikë nga ty o i pabesi hollandez. Kaq për sot, ndoshta herë tjetër do t?i shkoj më thellë disa të vërtetave që dihen dhe nuk dihen?, shprehej Doda gjatë një takimi me qytetarë të Tiranës në pallatin ?Asllan Rusi?, në vitin 2017.

Edhe pas zgjedhjeve parlamentare të vitit 2017, e indinjuar për rezultatin në zgjedhje që e nxirrte atë jashtë parlamentit, Mesila Doda bënte përgjegjës kreun e PD Lulzim Basha.

Sipas saj, procesi zgjedhor ishte i stisur për shkak të marrëveshjes së 17 Majit, mes dy liderëve politikë.

Për Dodën, kishte vetëm një person përgjegjës për këto zgjedhje dhe rezultatin e tyre. Dhe ai ishte Lulzim Basha, që sipas saj, i ka provuar edhe në PD, pasojat e marrëveshjes me Ramën.

Por, sot, Doda, është në krah të këtij përgjegjësi, dhe kërkon vota si pjesë e listës së tij, duke harruar kështu akuzat që ka lëshuar më herët ndaj tij./ CNA.al