web counter
LEXO PA REKLAMA!

SHKARKO APP

App Store
Google Play

Kryemadhi mbulon sponsorizimin e Metës/ “Harbutët nuk mund të bëhen xhentil”

16 Prill 2021, 09:49, Politikë CNA

Monika Kryemadhi në intervistën e një natë më parë, vetëm si kryetare e LSI-së, nuk dukej dhe nuk foli.

Pasi iu desh që të justifikonte dhe mbronte në një farë mënyre, veprimet e kryetarit të vërtetë të LSI-së, bashkëshortit të saj njëherësh Presidenti Ilir Meta.

Ditët e fundit në media është raportuar se Ilir Meta, i cili tashmë e ka zhvendosur Presidencën në Vlorë duke e vënë në shërbim të LSI-së, i druhet një ?tradhëtie? të Luan Ramës.

Ky i fundit, është i pari në listën e LSI, në Qarkun e Vlorës. Por, Meta, duket se diçka ka nuhatuar apo ndonjë mesazh e ka marrë. që Luan Rama po i ikën nga duart.

Ndaj ka ndryshuar qëndrimin kundrejt tij, duke i dhënë rëndësi një tjetër kandidate në listat e LSI në Vlorë, duke ?djegur?, kështu Luan Ramën.

Ditë më parë. në një gazetë që ndryshe konsiderohet si media e Metës, është sponsorizuar kandidatja numër dy e listës, Grisejda Myslimi,  për të cilën bëhej thirrje që të votohet nga mbështetësit e LSI.

Pas kësaj lëvizjeje, në lojë ka hyrë edhe Petrit Vasili nënkryetar i LSI-së,i cili  merr dhe zbaton urdhërat e Metës.

Vasili është shfaqur duke bërë thirrje që të votohen vajzat e LSI-së, duke bërë kështu thirrje, ndonëse jo direkte, kundër Luan Ramës.

Kryemadhi e pyetur mbrëmë për këtë situatë se çfarë po ndodh në LSI, është bërë lëmsh me përgjigjet.

?Harbutët nuk mund të bëhen xhentil?, ka deklaruar ajo, duke komentuar deklaratat e Petrit Vasilit, në lidhje me thirrjet për të votuar fatë dhe vajzat.

?Situata e Vlorës është e qartë si kristali. Është një situatë që në fakt ka një? Normalisht që thashethemet dhe gjërat e tjera që mund të ndodhin, janë sigurisht të subvencionuara nga grupe të caktuara, të cilat në një farë mënyre prodhojnë dhe xhelozira?, është shprehur Kryemadhi, duke tentuar të mbrojë veprimet e Presidenti Meta, që duket se konsideron si kartë të “djegur”, Luan Ramën.

Ndërkohë nga Luan Rama, nuk ka pasur ndonjë reagim publik, edhe pas kontaktimit nga CNA.al ai nuk ka preferuar të përgjigjet./CNA.al





Lajmet e fundit nga