Zgjedhjet e 25 Prillit/ ODIHR: Ndryshimet në Kodin Zgjedhor donin më shumë kohë për tu konsultuar

12 Prill 2021, 15:21, Politikë CNA

Shefja e OSBE ODIHR-it, Urszula Gaçek ka komentuar në lidhje me zgjedhjet e 25 prillit.

Ajo shprehet se objektivi i tyre është të japin një analizë të drejtë dhe të paanshme të të gjithë procesit të votimit.

?Objektivat tona janë të njëjtat me ato që kemi pasur gjatë 14 misioneve në të shkuarën këtu në Shqipëri dhe të njëjtat me ato që kemi pasur gjatë rreth 300 proceseve zgjedhore që kjo organizatë, OSBE-së, ka monitoruar në mbarë botën. Pra, ne gjithnjë kemi të njëjtën objektivë dhe ajo është të japim një analizë të drejtë, të paanshme, gjithëpërfshirëse të të gjithë procesit zgjedhor të shteteve që përbëjnë OSBE-në, pjesë e të cilëve sigurisht është edhe Shqipëria. Pra, objektivat tona janë të njëjta, kudo që të ndodhemi dhe kurdo.?, u shpreh Gaçek.

Më tej, në një intervistë për EuroNews ajo u shpreh e shqetësuar për ndryshimet në kodin zgjedhor. Sipas saj, fakti që në këto zgjedhje po marrin pjesë të gjitha partitë politike është diçka pozitive.

?Epo, ndryshimet e tetorit janë diçka që na shqetëson më tepër, pasi ato ishin shumë të shpejta ndaj duhet më shumë kohë për t?u konsultuar, por tashmë kemi këtë kod elektoral që kemi dhe diçka që është me plot kuptimin e fjalës, ndryshe, këtë vit është fakti që të gjithë po marrin pjesë në zgjedhje. Pra, kjo është një shenjë shumë pozitive, por si pasojë e ndryshimeve në kodin elektoral, administratës i duhet vërtetë të përgatisin materiale të reja. Do të kemi mënyra të tjera për identifikimin e votuesve, tani ata duhet të identifikohen në mënyrë biometrike dhe do të merren shenjat e gishtave, kjo është një gjë e re. Dhe kjo kërkon një sasi pune shumë të konsiderueshme nga ana teknike, për Komisionin Qendror të Zgjedhjeve dhe të gjithë përfaqësuesit e tyre në rajon. Por votuesi nuk e sheh këto, dhe nuk madje nuk është se i intereson shumë për këto. ? u shpreh Gaçek.

Ajo shtoi se, votuesit do të përballen me një fletë të re votimi dhe nuk dihet nëse është e kuptueshme për to.

?Votuesi gjithashtu do të ballafaqohet me sfida të reja, dhe një nga gjërat me të cilat ata do të ballafaqohen është një fletë e re votimi, ndryshe nga ajo me të cilën ata janë mësuar në të kaluarën, sepse për të parën herë, ata do të kenë opsionin që jo vetëm të zgjedhin partinë që ata duan por ata tashmë do të mund të zgjedhin edhe kandidatin e asaj partie të cilin ata preferojnë. Pra, këtu na duhet të shohim nëse kjo fletë votimi që është pranuar vetëm ditët e fundit, nëse ajo do të jetë mjaftueshëm e kuptueshme për votuesin, sidomos pasi emrat e kandidatëve nuk do të jenë të pranishëm në fletë. Pra, atyre do t?i duhet të zgjedhin dy numra, numrin për partinë, me emrin e partisë, dhe numri e kandidatit. Pra ne po punojmë për të parë nëse është shpërndarë informacioni i mjaftueshëm, që në momentin që ata të jenë atje, të shohin dhe të thonë po, unë dua të votoj për këtë zonjë apo për ata zotëri. Pra që ata të kenë mundësi t?i gjejnë ato emra në mënyrë të thjeshtë në pikën e votimit.? u shpreh Gaçek./CNA.al