E fundit!

21:40 Denoncim

Një vit pritje për 3 milionë borxh, çfarë ndodhi pas ndërhyrjes së “Stop”

Rasti i radhës i transmetuar në emisionin “Stop”, këtë të ...

“Përpjekja për të parë filxhan më bën të qesh”/ Boçi: PD do marr shumicën e votave në gjithë Shqipërinë

12 Prill 2021, 14:52, Politikë CNA

Kur na ndajnë edhe 13 ditë nga mbajtja e zgjedhjeve parlamentare të 25 prillit, partitë politike kanë ndezur motorrët e fushatës dhe po intensifikojnë takimet elektorale me çdo banor në çdo qytet.

Partia Socialiste me ngulm po kërkon të marrë një mandat të tretë, ndërsa PD po kërkon të vijë në pushtet, duke ndjerrë në pah ato që për demokratët janë dështime të qeverisë në tetë vite.

Luçiano Boçi, i cili renditet i shtati në listën e PD për Elbasanin në një intervistë për CNA.al u shpreh se janë të shumtë qytetarët që kanë ngelur të pakënaqur nga qeverisja e Edi Ramës, ndërsa shtoi se të gjithë kandidatët për deputetë po prezantojnë para banorëve një program real dheë të kuptueshëm për të gjitha kategoritë.

?Në fakt është e vështirë të flitet për një kamp opozitar: si kurrë më parë, thuajse çdo qytetar është bërë përfaqësues i opozitës në terren. Ai që ju mbiquajni ?kamp opozitar? tani përfshin gjerësisht grupe të mëdha të publikut, njerëz të panumërt që hyjnë në zyrat tona elektorale, që kërkojnë materiale për t?i shpërndarë, që kërkojnë të thonë me zë të lartë pse PD duhet të fitojë në këto zgjedhje aq sa nganjëherë, përballë njerëzve, ndjehem unë votuesi dhe ata kandidati. Ka një frymë popullore, e cila në themel e ka homogjenizuar të gjithë bllokun e opozitës në një ndjesi vërshuese që flet vetëm për fitore.

Nga ana ime, unë – siç besoj edhe kolegët e mi, ndjehemi shumë mirë me programin e PD-së që është i kuptueshëm për njerëzit, i thjeshtë dhe thelbësor. Më ka pasuruar pa fund një seri takimesh publike me ekspertë të disa fushave dhe mbi këtë bazë unë kam hartuar një plan të posaçëm ndërhyrjesh që i japin qarkut të Elbasanit një shtysë të re e thelbësore zhvillimi.

Grupi i kandidatëve të PD-së është në fazën që po harmonizon punën për të aktivizuar cdo qelizë shoqërore, për të mbledhur cdo vullnet individual që mbështet fitoren dhe për të faktorizuar praninë tonë në territor për një sukses të padiskutueshëm që tashmë është i lexueshëm dhe i prekshëm?, tha Boçi.

Duke iu referuar fushatës që po zhvillon në qarkun e Elbasanit, ku edhe është kandidat për deputet, Boçi tha se qytetatë e përbuzin Ramën pasi premtimet e tij janë peng i një masakre qeverisëse.

Sipas kandidatit të PD, edhe gjendja reale ekonomike e njerëzve është e dëshpëruar, ku shtoi se bandat politike të trembur nga humbja po marrin peng vullnetin e njerëzve.

?Këto zgjedhje janë ndryshe për një numër arsyesh. E para, masa kritike e pakënaqësisë popullore ndaj qeverisë është më e madhe se sa mund të imagjinohet. Vetmia e Ramës është e pashëmbullt. Qytetarët e përbuzin. Kandidatët e tij e urrejnë. Premtimet e tij janë të gjitha aty ? peng i një masakre qeverisëse.

Në tubimet e mazhorancës ka vetëm punonjës administrate dhe familjarë të tyre që i nënshtrohen bukës së gojës. Në rreshtat e parë ka emra dhe fytyra që edhe vetë socialistët e dinë se nuk i do askush. E dyta, gjendja reale ekonomike e njerëzve është sot në prag të dëshpërimit. Kjo do të nxjerrë të madh e të vogël në votime. Mbi këtë arsyetim, socialistët ? drejtpërdrejt apo përmes bandash politike ? kanë nisur punën për të marrë peng vullnetin e njerëzve, për t?u hequr shanset e votimit, për t?u mbledhur kartat e identitetit dhe për t?u bërë presion.

E veçanta e këtyre zgjedhjeve është se Rama hyri në fushatë si kryetar i bandave që duhej të terrorizonin publikun. Ai do të dalë prej tyre si një bandë e mundur nga fuqia e sovranit?, tha Boçi për CNA.al.

Kandidati i PD i pyetur se si është pritur në këtë fushatë nga qytetarët u shpreh se si përfqësuesi i tyre gjatë gjithë këtyre viteve, jeton mes tyre, duke ditur çdo problematikë të komunitetit.

?Unë kam qenë e jam përfaqësues i këtyre njerëzve përgjatë gjithë këtyre viteve. Jetoj mes tyre. Jetoj me ta. I dëgjoj përditë dhe fushata nuk ishte një shans të takoja njerëz të rinj. Ajo është një kohë e rikonfirmimit të pozitave të PD-së në publikun me të cilin unë ndërveproj paprerë.

PD-ja dhe programi i saj janë pritur mrekullisht mirë. Unë jam një qytetar që gëzoj besimin e njerëzve të mi, bashkëvendasve të mi. Asnjë e re në këtë drejtim ? përvec përqafimeve dhe urimit për sukses në zgjedhje të PD-së?, tha Boçi.

I pyetur se sa mandate synon PD në Elbasan dhe në të gjithë vendin, Boçi tha: ?PD po punon që të maksimalizojë votën e saj në Elbasan. Fitorja e PD-së në shkallë vendi do të jetë befasisht e madhe dhe bindëse. Elbasani është pjesë e kësaj fitoreje.

Përpjekja për të ?parë filxhanin? më bën për të qeshur dhe unë nuk kam qenë kurrë politikani që spekullon me hamëndje. Ne do të fitojmë. PD-ja do të marrë shumicën kudo, anë-e-mbanë Shqipërisë?, tha kandidati i PD për Elbasanin Luçiano Boçi për CNA.al.