web counter
LEXO PA REKLAMA!

SHKARKO APP

App Store
Google Play

E fundit!

x

Presidenca në shërbim të LSI/ “Çmendet” Meta, braktis institucionin

12 Prill 2021, 11:26, Politikë CNA

Presidenti Ilir Meta, prej disa ditësh e ka dërguar Presidencën në Jug, nga Vlorë në Pogradec, në shërbim të LSI-së.

Largimet e njëpasnjëshme të LSI ?së, atje drejt Partisë Socialiste, duket se nuk janë qëllimi i vetëm, që Meta ka braktisur institucionin dhe  Tiranën.

Ai ka qëndruar për një kohë të gjatë në Vlorë dhe në brigjet e Jugut,  pasi ka bërë regjinë dhe skenarin e dy incidenteve në Tiranë.

Madje në njërin u përfshi në përplasje me Policinë në zyrat e FRD ?së dhe tjetri me kontrollorët e AlbControll, që në urdhërat e tij, dyshohet se morën peng aeroportin.

I tensionuar dhe me një nervozizëm në fytyrë, nga Pogradeci, ai doli sot para mediave, duke ripërsëritur deklaratat e mëhershme dhe duke çuditur njëherësh.

Në rolin e Presidentit, Meta ka thënë se i ka bërë kërkesë SPAK-ut, për të hetuar me shpejtësi keqpërdorimin dhe  vjedhjen e të dhënave personale të qytetarëve nga  PS.

Por, duke bërë herë Presidentin dhe herë kryetarin e LSI, nuk është informuar se SPAK i ka nisur hetimet dhe mediat sot kanë raportuar gjatë gjithë paradites.

 ?Jam sot këtu për të bërë publike kërkesën e Presidentit të Republikës drejtuar SPAK dhe institucioneve të drejtësisë për të hetuar me shpejtësi ngjarjen më të fundit, skandaloze, atë të keqpërdorimit dhe të vjedhjes së PS të të dhënave personale të të gjithë qytetarëve shqiptarë, të dhëna që mbrohen nga ligji.

Është një shkelje e papranueshme dhe e poshtër e çdo norme dhe e çdo morali për të vendosur të dhënat personale të të gjithë qytetarëve të Shqipërisë në funksion të një force politike.  Tani fillon koha që qeveria që do të vijë do të ketë frikë nga popullit. Askush nuk do të mund të cënoje të drejtat dhe liritë e shqiptarëve”, ka thënë Meta.

Deklaratat e tij të çoroditura tregojnë se dalja e tij në media është një mesazh për të thënë, se ?ekzistoj ende? dhe nuk kanë lidhje me asgjë që prek qytetarët.

Të gjitha gjasat tregojnë se Meta, mund të jetë në detyrë për të përgatitur konfliktin e radhës dhe më pas të dalë e të justifikohet duke thënë se nuk ka qenë në Tiranë por në Vlorë.

Asgjë e nuk është e rastësishme nga Meta, në prag zgjedhjesh, por për një gjë mund të jemi të sigurtë, Presidenca ka rënë dhe Shqipëria tashmë është pa President, pasi ky i fundit ka zgjedhur të jetë kryetar i LSI-së, duke braktisur institucionin ku është zgjedhur./CNA.al





Lajmet e fundit nga