web counter
LEXO PA REKLAMA!

SHKARKO APP

App Store
Google Play

Pas braktisjes së LSI-së/ Ish-deputeti i Kryemadhit, fushatë në krah të socialistëve

12 Prill 2021, 09:25, Politikë CNA

Drejtues dhe anëtarë të Lëvizjes Socialiste për Integrim, kohët e fundit kanë vërshuar drejt Partisë Socialiste.

Një nga këta është edhe ish deputeti i LSI-së, Shkëlqim Selami është shfaqur në Vlorë krah drejtuesit politik të PS-së, atje Damian Gjiknuri.

Sipas ish-deputetit të Kryemadhit, vota për Partinë Socialiste është detyrim ndaj Kryeministrit Rama dhe trasformimit që i ka bërë qytetit.

?Jemi sot këtu për të  mbështetur maksimalisht të ardhmen tonë,  të  ardhmen e qytetit tonë, për të mbështetur Edi Ramën dhe për të mbështetur Partinë Socialiste. Faktikisht, sot Vlora dhe Qarku por edhe gjithë Shqipëria po prek të ardhmen europiane, ndaj ju bëj  thirrje të gjitha ju zonjave, të  bashkohemi të gjithë për të ardhmen e fëmijëve tanë. E shikoni shumë mirë se çfarë është bërë në qytetin tonë, janë bërë disa investime strategjike?, u shpreh Selami.

Kujtojmë se Selami ka qenë më herët i akuzuar nga PD për trafikim të qenieve njerëzore në Itali, porn ë vijimësi ai i ka mohuar këto akuza, duke deklaruar  se disponon të gjitha dokumentat nga ana e Ministrisë së Drejtësisë Italiane që vërtetojnë pastërtinë e figurës së tij./CNA.al





Lajmet e fundit nga