web counter
LEXO PA REKLAMA!

SHKARKO APP

App Store
Google Play

E fundit!

x

Tabaku premton/ Kur PD të vijë në pushtet nuk do heq punonjësit nga administrata publike

12 Prill 2021, 14:03, Politikë CNA

Kandidatja e Partisë Demokratike Jorida Tabaku ka folur për programin e PD dhe pse qytetarët duhet të votojnë opozitën në 25 prill.

Në një intervistë për Top Talk, Tabaku u shpreh se PD ka hartuar një program ekonomik dhe do u jap më shumë mundësi qytetarëve për të zgjidhur problemet e tyre.

E renditur e dyta në listën e Tiranës, kandidatja e PD theksoi se kur të vijnë në pushtet nuk do të lëvizin asnjë punonjës të administratës publike, nëse ata janë aty me meritën e tyre.

?Në 25 prill do ketë një ndërrim pushteti në mënyrën më të qetë. Mësuesit do kenë pagat më të larta se ne kemi një program ekonomik. Kushdo që është në administratën publike me nder nuk do ta prek askush.  

Qeveria e sotme nuk është marrë me qytetarët, por vetëm me një pakicë.

Unë kam 12 vite e angazhuar në politikë. Gjithkush ka dy modele në politikë: Një që t’i përbalt tjetrin dhe tjetri është modeli që flet me fakte dhe argumenta.

Vëllai im punon në një institucion tjetër dhe nuk ka lidhje me ngjarjen që ka ndodhur në Rinas. Kushdo përpiqet të heqë vëmendjen nga ajo që ndodh. Ashtu siç shembën teatrin janë gati të bëjnë gjithçka?, tha Tabaku./CNA.al





Lajmet e fundit nga