web counter
LEXO PA REKLAMA!

SHKARKO APP

App Store
Google Play

E fundit!

x

Zhduken fondet për mirëmbajtjen e qenve/ Shoqata për mbrojtjen e kafshëve i drejtohet SPAK-ut

9 Prill 2021, 13:10, Aktualitet CNA

Shoqata për mbrojtjen e kafshëve dhe qytetarë të thjeshtë  prej disa ditësh kanë vijuar protestat kundër vrasjes së qenve.  Protesta vjen disa ditë pas publikimit të pamjeve skandaloze nga emisionin investigativ, ?STOP?, ku me zë dhe figurë vërtetohej sesi Bashkia vriste qentë dhe i hidhte në landfillin e Sharrës.

Ditën e sotme protestuesit kanë dorëzuar përpara SPAK peticionet e firmosura për mbrojtjen e këtyre kafshëve.

?Kemi ardhur për të dorëzuar në prokurori peticionin e firmosur nga qytetarët kundër vrasjes së qenve?, u shpreh për CNA.al njëri prej protestuesve.

Ata thonë se do të ngrenë dhe padi për të kërkuar se çfarë ndodh me fondet që vihen në dispozicion të kafshëve. Në vitin 2018, Bashkia Tiranë vendosi një fond prej 210 milionë lekësh për kafshët e rrugës, por sipas tyre duhet pyetur Veliaj se çfarë ka bërë me këto para.

Nëse peticioni i tyre nuk do të merret parasysh, protestat  tyre do të vijonë. Protesta, përveçse para Bashkisë së Tiranës, po zhvillohet edhe në rrjetet sociale. Në rrjet janë shpërndarë foto të vjetra të kryebashkiakut Erion Veliaj ku shfaqet me kafshë në duar./CNA.al





Lajmet e fundit nga