web counter
LEXO PA REKLAMA!

SHKARKO APP

App Store
Google Play

E fundit!

x

Kandidati i Ben Blushit/ Mbrojtësi i kontrollorëve që morën peng aeroportin

9 Prill 2021, 12:47, Aktualitet CNA

Kontrollorët e AlbControll, të cilët dy ditë më parë morën peng aeroportin e Rinasit, po përfaqësohen ligjërisht nga avokati Rezart Kthupi.

Ky i fundit përgjatë dy ditëve është bërë fytyra e tyre në përballjen me organet e drejtësisë dhe me Qeverinë.

Rezart Kthupi, i cili më herët ka qenë kryetar FRD në Durrës,  në zgjedhjet parlamentare të 2017,  është shfaqur tek LIBRA e Ben Blushit.

Jo thjesht në krah të Blushit, po kandidat për deputet i LIBRA-s për Durrësin, madje i pari në listë, në zgjedhjet parlamentare të vitit 2017.

Kthupi ka qenë njeriu më i besuar i Ben Blushit, ka qenë krahu i djathtë i tij dhe një nga figurat më kryesore të LIBRA-s.

Kujtojmë se LIBRA E Blushit, në vitin 2017, nuk arriti të merrte asnjë deputet.

Por, përpara miqësisë me Blushin, Kthupi ,siç e cekëm më lart,  ka qenë një nga anëtarët kryesorë të PD të Durrësit.

Ndërsa sot, është avokati dhe përfaqësuesi ligjorë i kontrollorëve të AlbControllit, të cilët shokuan mbarë opinionin publik, duke marrë peng aeroportin dhe duke cënuar sigurinë kombëtare, pasi ishin të stresuar për pagën prej 2 mijë dollarësh, që merrnin gjatë kohës së pandemisë./CNA.al

 





Lajmet e fundit nga