E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Bllokimi i Aeroportit të Rinasit dhe negociatat/ Kontrollorët refuzuan pagën 3300 USD

8 Prill 2021, 16:42, Aktualitet CNA

Aeroporti i Rinasit për 24 orë ishte jashtë funksionit, për shkak se kontrollorët vendosën të bojkotonin punën dhe të kërkonin që pagesa e tyre, që ishte ulur për shkak të fluturimeve nga pandemia të ishte e njëjtë me atë që ata kanë pasur para kësaj situate.

Të ndryshme kanë qenë reagimet për këtë situatë, ku opozitarët akuzojnë qeverinë dhe mbështesin kontrollorët, pa bërë më parë një analizë të situatës dhe nëse veprimi i tyre ishte apo jo i duhuri.

Por CNA.al ka zbardhur detaje nga mbledhja e bordit drejtues të Alb Control, mbajtur tre javë më parë ku në qendër të diskutimeve ishte ulja e pagave para një viti me fillimin e pandemisë.

Pas një sërë debatesh dhe diskutimesh, për shkak të gjendjes financiare në të cilën ndodhej kompania për shkak të kufizimit të fluturimeve u shtruan në tryezë dy opsione: Së pari ishte shkurtimi i stafit dhe e dyta ishte ulja e pagesave.

Diskutimet vazhduan dhe u arrit në përfundimin që të zgjidhej opsioni i dytë për shkak që kompania të mos humbiste asnjë nga njerëzit që kishte trajnuar dhe të ruant çdo kapacitet njerëzor.

Pas këtij vendimi, kontrollorët filluan lëvizjet dhe kundërshtitë e tyre. Pas shumë debatesh, ka pasur një takim gati tre javë më parë mes kryetarit të bordit, bordi dhe drejtori i kompanisë Mina Kusta dhe kontrollorëve ajrorë, ku iu është ofruar një zgjidhje provizore deri në kapërcimin e situatës në të cilën ndodhet e gjithë bota.

Nga ana e kompanisë dhe bordit iu ofrua si kompromis kontrollorëve që me rritjen e trafikut ajror do të rritej edhe paga e tyre me 20% në muajin qershor.

Pra e thënë ndryshe, me rritjen e fluturimeve dhe të ardhurat do të rriteshin me 20% mbi pagën fillestrare jo atë që merrnin, pra paga tju rritej deri në 900 dollarë.

Natyrisht, duke ndjekur historikun e të ardhurave, drejtori ekzekutiv ju ka çuar propozimin e tij për rritjen në muaji qershor me 20%.

Rroga ju bëhej 20% e pagës fillestare dhe ju shkonte 3300 dollarë dhe nga ana e kontrollorëve kjo gjë u refuzua.

Ndërkohë që diskutimet ende vijonin sepse nga ana e tyre kërkohej një datë e saktë, kompania deklaronte se kjo do përcaktohej nga fluturimet dhe kjo për shkak se pandemia mund të sillte të tjera pasoja.

Në këto momente ndërhyn Ilir Meta, dhe në një kohë kur kontrollorët ndodheshin në diskutim për rritje të pagave me 20% dhe një rrogë 3300 dollarë ata marrin flakë dhe fillojnë çmendurinë e djeshme ku bllokuan aeroportin dhe vonuan uljen e vaksinave por edhe sot kanë paralajmëruar protesta./CNA.al