E fundit!

20:55 Denoncim

FOTOLAJM/ Adoleshentët gara me motorë e skuterë në Parkun e Liqenit, policët bashkiakë me sy në telefon

Qytetarët që kalojnë pasditen pranë Liqenit Artificial në ...

Jurgen Drrasati refuzon koalicion me Ramën dhe Bashën/ Tregon qëllimin e Lëvizjes për Ndryshim

5 Prill 2021, 18:47, Politikë CNA

Lëvizja për Ndryshim po zgjerohet çdo ditë e më shumë, ku të rinj intelektual po i bashkohen kësaj force politike. Jurgen Drrasati është emri më i ri që i bashkohe Lëvizjes, në forumin rinor të saj.

Drrasati ka lindur në Shkodër dhe është arsimuar në Romë.

Aktualisht ai po studion në Universitetin ?La Sapienza? për Shkenca Politike dhe Marrëdhënie Ndërkombëtare.

Në një intervistë për CNA.al, Drrasati u shpreh se ai është bërë pjesë e partisë së Jozefina Topallit për të risjellë demokracinë dhe pluralizmin që i ka munguar vendit.

Drrasati tha se motivi i tij është të ecë në gjurmët e babait dhe të gjithë heronjëve që u vranë dhe burgosën për lirinë dhe demokracinë e Shqipërisë.

?Siç e dini bashkë me znj Topalli dhe një grup te rinjsh i kemi dhënë jetë kësaj partie.

Mendoj dhe besoj se ëndërrat e 90′ -tës nuk u realizuan për një seri faktorësh të cilët vareshin direkt nga politika e vjetër.

Demokracia dhe Pluralizmi besoj se janë ëndërra e çdo shqiptari.

Pra ky është motivi i thjeshtë, për të ecur në gjurmët e babait tim dhe të gjithë atyre që u vranë, burgosën, internuan dhe aspiruan për një Shqipëri të lire Demokratike dhe Europiane?, tha ai.

Drrasati shtoi më tej se qëllimi i Lëvizjes për Ndryshim është krijimi i një partie të djathtë, që sipas tij i ka munguar spektrit politik, ndërsa shton se përmes kësaj force zëri i qytetarëve do të dëgjohet më shumë.

?Qëllimi i LN në rradhë të parë është krijimi i një partie të djathtë, e cila i mungon spektrit politik dhe lë pa përfaqësuar atë pjesë të elektoratit të djathtë.

Besoj se LN është përgjigja më e mirë per të bërë të mundur që zëri i qytetarit të dëgjohet nga politika,pra ta afroje qytetarin me politikën, ta bëjë pjesë aktive të politikbërjes dhe jo ta konsideroj si numër për vota?, tha Drrasati.

Kandidati i Lëvizjes për Ndryshim u shpreh i bindur se nuk do të ketë asnjë koalicion paszgjedhor me partitë e mëdha, pasi sipas tij politika e tyre është shumë më përpara se loja e tre kryetarëve aktualë.

?Mundësia për koalicion me partitë kryesore nuk është i mundur, sepse logjika jonë dhe mënyra sesi ne e mendojmë politikën është shumë më përpara se loja politike e tre kryetarëve aktual.

Sepse edhe formimi i kësaj partie lindi si nevojë e kundërshtisë ndaj kësaj politike, por ne jemi të hapur të bashkëpunojmë me këdo që është kundër këtij sistemi politik aktual?, tha Drrasani./CNA.al