E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

“Roskoveci si Budapesti”/ Artan Fuga ironizon kryebashkiaken e Ramës

3 Prill 2021, 12:45, Aktualitet CNA

Akademiku i njohur, Artan Fuga ka komentuar vizitën e kryeministrin Edi Rama sot në Roskovec dhe nuk i ka kursyer ironitë.

Kryebashkiakja Majlinda Bufi e ka shoqëruar Ramën gjatë vizitës, ku sipas Fugës një përfaqësuese e pushtetit vendor nuk mund të përfshihet në fushatën elektorale.

?Mor por shoh këtë kryebashkiaken e kësaj qendre të vogël urbano ? rurale të Roskovecit. Shumë e shkathët, e gojës, dhe e pasionuar pas punës duket.

Por, më duket se ka ngatërruar rolin, detyrën, funksionin, ajo është përfaqësuese e komunitetit vendor, ndonëse është zgjedhur pa kandidatura të vërteta rivale në zgjedhje moniste.?, shkruan Fuga.

Mes të tjerash akademiku shkruan se kryebashkiakja u shndërrua në një guidë turistike për kryeministrin Rama, që e krahasoi mes ironisë si Budapesti.

?Nuk është guidë turistike e kryeministrit në fushatë elektorale një kryebashkiake.

Ajo është përfaqësuese e të majtëve, të djathtëve, nacionalistëve, liberalëve, intelektualëve, fermerëve, konservatorëve, enveristëve të Roskovecit, pa dallim bindjesh dhe qëndrimesh politike.

Taksat e tyre janë, pse bën fushatë elektorale kjo zonja?

Godina e re e bashkisë m?u duk e bukur, por krejt jashtë përmasave të një bashkie të një qendre të vogël urbano-demografike si qendër zone rurale. Sa janë harxhuar nga buxheti i taksave të popullsisë lokale aty! Pse krenohet se bashkia e një zone rurale të jetë më e bëshme se ndërtesa e Kuvendit të Shqipërisë?
Cfarë janë këto ide grandomanie ?

Aq më shumë i paraqet në kuadrin e një fushate elektorale partie, kryetarit të asaj partie, duke harruar se ato janë taksa lokale që kanë bërë atë qendër dhe atë ndërtesë. Pa lidhje fare me fushatën e forcave politike në plan kombëtar!

Çfarë bëhet kështu që në kundërshtim me ligjin bëhet fushatë elektorale me fondet publike?
Ore kemi Komision Zgjedhor Qendror ne apo jo?

Ore kemi ndarje midis pushtetit ekzekutiv qendror, kryeministrit, dhe pushtetit lokal, apo jemi si në kohën kur shoku Mehmet shkonte në Roskovec?

Kemi ndarje mes politikës dhe fushatës elektorale kombëtare dhe administratës komunale ne apo jo?
Këto janë skandale propagandistike mo! Zonjat kryebashkiake bëjnë rolin e guidës turistike dhe tregojnë se ku do të vendosin llampadarët nëpër mure!

E kam parë në Budapest ? thotë! Ku Budapesti ku Roskoveci! Po dale moj zonjë, më pak yrysh, se jemi bërë grandomanë!?, shkruan Fuga./CNA.al