web counter
LEXO PA REKLAMA!

SHKARKO APP

App Store
Google Play

E fundit!

x

Basha në terren/ Të trokasim derë më derë tek çdo socialist i zhgënjyer

27 Mars 2021, 10:19, Politikë CNA

Kreu i Partisë Demokratike, Lulzim Basha zhvilloi një takim me qytetarët në njësinë 11 në Tiranë, ku u siguroi se pas 25 prillit situata ekonomike do të ndryshojë edhe tek bizneset të cilat janë drejt falimentit.

Një nga qytetarët u shpreh se puna ka rënë dhe se po pret 25 prillin që të sjelli ndryshimin në sektorin e sipërmarrjes.
Lulzim Basha: Ti vetë si je?
Qytetari: Mirë.
Lulzim Basha: Puna keq fare?
Qytetari: Puna keq fare! Presim 25 prillin.
Lulzim Basha: Prisni ndryshimin.
Qytetari: Ose e mbyllim fare, ose e hapim.

Sipas kryetarit të PD, situata do të ndryshojë më 25 prilli dhe këtij ndryshimi do t?i prijë bashkimi i të gjithë shqiptarëve.

?25 është ditë ndryshimi! 25 është ditë fitoreje për të gjithë shqiptarët! Është ditë shprese dhe besimi se Shqipëria ka shumë pasuri veç i kanë zënë dy veta, pesë veta, 10 veta për veten e tyre”, tha Basha.

Më tej kryedemokrati  u shpreh se shqiptarët që e duan ndryshimin janë bërë bashkë.

?Kontrasti është i qartë, gjithmonë e më shumë shqiptarët po na bashkohen për ndryshimin dhe besojnë te ndryshimi dhe e kuptojnë se ndryshimi do të vijë vetëm kur të jemi të gjithë bashkë kundër një grushti të vogël që nuk e do ndryshimin se ju pëlqen kështu. Cilit prej shqiptarëve iu pëlqen kjo situatë? Vetëm një pjesë që është pasuruar në kurrizin e popullit. Deri më 25 prill të trokasim derë më derë se janë mijëra socialistë të zhgënjyer dhe ditën e zgjedhjeve ta bëjmë një votë referendumi?– tha Basha.





Lajmet e fundit nga