web counter
LEXO PA REKLAMA!

SHKARKO APP

App Store
Google Play

E fundit!

x

Arjan Curi plas “bombën”/ Rama, Basha dhe Meta janë takuar të dielën në periferi të Tiranës

26 Mars 2021, 21:23, Politikë CNA

Arjan Curi ka bërë një deklaratë të fortë mbrëmjen e sotme në studion e ?Zonë e Lirë?, ku ka hedhur dyshimet se kryeministri Edi Rama, kreu i PD Lulzim Basha dhe presidenti Ilir Meta janë takuar në të njëjtën ditë së bashku.

Ai iu referohet informacioneve që ka marrë nga ish studentët e tij, të cilët tashmë janë angazhuar pranë PS, PD dhe LSI, ku u shpreh se ata të tre janë takuar në të njëjtin restorant.

?Ajo që kam unë informacion është se javën e kaluar në një ditë dhe orë të caktuar të tre personazhet e rëndësishëm të politikës, presidenti, kryeministri dhe kryetari i opozitës lëvizën pa shoqërues duke i dhënë makinave të tyre, pa shoqërues. Të tre në të njëjtën ditë, në të njëjtën orë, të dielën, kanë bërë një lëvizje të befasishme.

Mund të kemi indicie të një takimi sekret Meta-Basha-Rama, këtë të diel që kaloi. Unë vë në dyshime që janë takuar apo jo. Studentët e mi që u kam dhënë mësim ma dhanë këtë informacion, një brez i studentëve të mi në të njëjtën klasë vendosën të ndjekin kursin e Gardës së Republikës, e filluan, e mbaruan. Njëri u caktua tek Basha, njëri tek Rama dhe tjetri tek Meta.

Të tre më thanë profesor ?ti po komenton kot atje apo këta me një marrëveshje po vendosin kush do e marri rradhën??. Të tre më thanë që në të njëjtën orë dhe në të njëjtën ditë, të dielën, kanë kërkuar që shoqërimi i tyre të pezullohej. Janë kthyer pas tre orësh. Në të njëjtin qytet dhe në të njëjtin restorant“, tha Curri./CNA.al





Lajmet e fundit nga