web counter
LEXO PA REKLAMA!

SHKARKO APP

App Store
Google Play

A duhet të votojnë personat e infektuar me Covid?/ Kume jep përgjigjen

26 Mars 2021, 18:59, Politikë CNA

Ish kreu i KQZ, Kristaq Kume ka folur për mënyrën se si do të votojnë personat e prekur me Covid në zgjedhjet parlamentare e 25 prillit.

Sipas tij, mundësitë për të votuar për qytetarët që do të jenë në karantinë ditën e zgjedhjeve janë shumë të ulta, pasi do të jetë një problem shumë i madh. Ai shton se partitë politike duhet të ulen në Këshillin Politik dhe të bien dakord për ndryshime zgjedhore në Kod për t?u kaluar në Kuvend.

Sipas Kumes, të votosh në shtëpi është e pamundur me ligjet e vendit tonë, por mundësia për ta zgjidhur është ende.

“KQZ-ja nuk është shprehur se nuk ka për ta trajtuar çështjen e votimit të atyre personave që janë të infektuar me Covid. Prandaj duhet pritur sepse këto procedura kanë nevojë për kohë. Shpresoj që KQZ-ja të ndërtojnë mekanizma për këtë situatë.

Ndërsa mundësi për të votuar për ata që janë në karantinë, është një problem që nuk zgjidhet dot nga KQZ-ja, sepse ndryshojnë procedurat e votimit. Nëse dikush nuk voton sepse është i karantinuar dhe nëse partitë duan t?i japin një zgjidhje jo KQZ, ne do të krijojmë një handikap si shoqëri që s?ka pse të krijohet në këto zgjedhje.

Duhet që partitë të ulen në Këshillin Politik dhe të bien dakord për ndryshime zgjedhore në Kod dhe të kalohet në Kuvend. Kutia lëvizëse, pra të votosh në shtëpi, është e pamundur me këtë ligj që kemi, por mundësi kemi për ta zgjidhur këtë çështje,”-tha Kume./CNA.al





Lajmet e fundit nga