E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Nishani "këshilla" PD/ "Më shumë se kurrë keni mundësinë për të bërë përmbysje"

26 Mars 2021, 15:57, Politikë CNA

Ish-presidenti Bujar Nishani përmes një deklarate ka komentuar zgjedhjet e 25 prillit, ku sipas tij PD dhe opozita më shumë se kurrë kanë mundësinë që të krijojë tek qytetarët bindjen që po nis një epokë e përgjegjshme dhe morali të lartë në qeverisje.

Përmes një postimi në facebook, ai u shpreh se zgjedhjet e 25 prillit nuk do të jenë thjesht një rrotacion politik, por një ndryshim rrënjësor.

?Sot nisi zyrtarisht fushata elektorale për zgjedhjet e 25 prillit. Zgjedhje këto që pas 25 prillit duhet të sjellin modelin krejt të ndryshëm të qeverisjes, në përgjegjësi, profesionalizëm e mbi të gjitha një moral të ri.

Partia Demokratike e Shqipërisë dhe opozita kanë sot më shumë se kurrë më parë, mundësinë, rrethanat, motivin dhe moralin të bëjnë përmbysjen e madhe politike dhe të krijojnë bindjen e fortë tek qytetarët se 25 prilli nuk është një formalitet juridik për rrotacionin politik ndërmjet një qeverie në ikje dhe një qeverie në ardhje por domosdoshmërisht, nisja e një epoke të re serioziteti, profesionalizmi, përgjegjshmërie e mbi të gjitha morali i lartë në qeverisje. Ky është motivi i fushatës por dhe detyra e përgjegjësia e çdo kandidati për deputet i opozitës gjatë kësaj fushate,? tha Nishani.

Sipas Nishanit, nevoja e vetme e opozitës do të jetë thjeshtësia dhe sinqeriteti, pasi kjo qeveri ka qenë e pamëshirshme me qytetarët.

?Opozita ka sot çdo epërsi morale dhe nuk ka nevojë për formalizëm.
Thjeshtësia dhe sinqeriteti janë nevoja e vetme e opozitës! Kjo është fushatë e vështirë nga pandemia dhe shteti paralel i bandave qeveritare, por me avantazhin më të madh moral nga opozita pasi zullumet e kësaj qeverie ndaj shqiptarëve kanë qenë më të pamëshirshmet. Opozitës i mjafton në këtë fushatë t’i përgjiet veç një pyetjeje fondamentale,? u shpreh Nishani.

Nishani thekson, që e vetmja arsye përse i duhet mandati i tretë Rilindjes është vijimin e grabitjes së qytetarëve dhe trajtimin e tyre si kavje për vaksinat e pacertifikuara.

?Përse i duhet mandati i tretë Edi Ramës?
Opozita duhet tu përsërisë shqiptarëve, çdo ditë, çdo orë, çdo minutë, në çdo qytet, fshat, lagje e takim, se mandati i tretë ?Rilindjes? i duhet:
Që të vijojnë grabitjen e shqiptarëve, tenderat ku vlera e nevojshme për një punë publike shumëzohet me 7-të që të parapaguhet 30% i makutëve, që fatkeqët e tërmetit të vijojnë e dimërojnë edhe 4 vite të tjera pa shtëpi, të vijojë të përvetësohen parqet e sheshet për kulla betoni, që shqiptarët të trajtohen si kavje për vaksinat e paçertifikuara, që shqiptarët të vijojnë të torturohen e poshtërohen në të ashtuquajtura spitale, etj., etj., pa fund.
Përgjigja e pyetjes se përse i duhet mandati i tretë, Edi Ramës, nis e mbaron fare thjesht.
Tek vijimi i korrupsionit më të zi e më masivi, i parë në këtë vend, tek vijimi i kapjes së shtetit nga banda!?, tha Nishani.

Ish-presidenti iu bën thirrje kandidatëve për deputet të PD që të kenë prioritet luftën ndaj korrupsionit dhe projektligjin e vetingut të çdo politikani.
Nishani shprehet se për PD morali është avantazhi më i madh i kësaj partie dhe opozitës përballë amoralitetit, mashtrimit dhe inkriminimit të pushtetit.

?Ndaj, shumë miqësisht i sugjeroj kandidatëve për deputet të PD dhe opozitës që çështjen e luftës kundër korrupsionit dhe hajnisë ta kenë prioritet mbi prioritetet.
Prezantimi i një projekt-ligji konkret mbi vetingun e çdo politikani e pushtetari, bazuar tek konfiskimi i çdo pasurie të pajustifikuar, do të fitonte rrufeshëm besimin tek modeli i qeverisjes së re.

Do të ishte ideale nënshkrimi i një kontrate AntiKorrupsion nga çdo kandidat me përfaqësi qytetarësh sipas grupeve të interesit në zonat ku konkurojnë ! Ky qëndrim do të konfirmonte përgjegjshmërinë dhe seriozitetin e opozitës përballë shqiptarëve duke motivuar fort besimin e tyre. Përgjegjshmëria dhe serioziteti janë dy kolonat themelore të moralit.
Morali i lartë është ajo çka kërkojnë më shumë se çdo gjë sot votuesit.

Morali përbën kontrastin më të fortë midis dy modeleve. Atij që duhet rrëzuar dhe atij që i duhet dhënë besimi. Morali është avantazhi më i madh i PD dhe opozitës përballë amoralitetit, mashtrimit dhe inkriminimit të pushtetit. Standarti i moralit duhet garantuar gjatë kësaj fushate, me seriozitet ! Projekti i një Ligji Vetingu të Politikanëve, do të garantonte seriozitetin e merituar për AntiKorrupsionin !
#25PrillZgjidhja?, tha Nishani në postimin e tij./CNA.al