web counter
LEXO PA REKLAMA!

SHKARKO APP

App Store
Google Play

E fundit!

x

Albana Vokshi vijon fushatën në Tiranë/ “Me PD biznesi i vogël do të paguajë vetëm një taksë”

26 Mars 2021, 15:08, Politikë CNA

Kandidatja për deputete e Partisë Demokratike në Tiranë Albana Vokshi, ka vijuar sot fushatën elektorale me bizneset e vogla.

Gjatë takimit, Vokshi iu ka prezantuar programin e PD duke u njohur me problemet aktuale të biznesit.

Pronarja e një dyqani, Eva Hodja u shpreh që i ka harxhuar të gjitha kursimet e saj tek dyqani dhe se nuk ka asnjë mbështetje nga shteti, duke i treguar listën me borxhe ushqimore që qytetarët i kanë.

Vokshi theksoi që me ardhjen e PD në pushtet, bizneset e vogla do paguajnë vetëm një taksë, 1/3 e asaj që paguajnë sot.

?Kam 30 vjet që punoj paguaj të gjitha siguracionet dhe nuk mora asnjë mbështetje nga shteti, asnjë rimbursim ilaçesh. Kursimet e jetës që kisha i zerova se u trajtova në privat.?- tha Eva, e cila vuri në dukje rënien drastike të konsumit nga njerëzit. 

Njerëzit janë të papunë nuk konsumojnë ka rënë fare ekonomia dhe ato që kishin mënjanë i shpenzuan me Covid. Nga ana tjetër detyrimet shtohen, faturat e ujit dritave rriten në mënyrë të papërballueshme dhe mezi paguajmë dhe qiranë ?- tha e zonja dyqanit.

Nga ana tjetër Vokshi e ka siguruar se me PD biznesi i vogël do të paguajë vetëm një taksë, dhe ajo do të jetë e ulët, sa një e treta e asaj që paguan aktualisht.
?Kudo që shkoj në bizneset e vogla shoh vetëm krizë dhe lista e fletore që shtohen. Njerëzit më thonë shitësit marrin nga një kokërr perime dhe frut se nuk ia dalin dot. Me programin e PD biznesi i vogël do të paguajë vetëm 1 taksë dhe ajo do të jetë e ulët, sa një e treta e asaj që paguani. Të ardhurat që do të fitoni do t?i menaxhoni ju, nuk ka pse t?i grabisë Tirja e qeverisë dhe Tirja e bashkisë. Ju keni në dorë ndryshimin, të ardhmen e fëmijëve?– tha Vokshi/CNA.al





Lajmet e fundit nga