web counter
LEXO PA REKLAMA!

SHKARKO APP

App Store
Google Play

Nga akuzat se ka shkruar librin, te zëvendësimi i Berishës/ Flutura Açka zbërthen “Misioni im”

26 Mars 2021, 12:17, Politikë CNA

Pas publikimit të librit ?Misioni im? nga kreu i PD, Lulzim Basha, ka pasur shumë spekulime se ky libër është shkruar nga personazhe të tjerë.

Një ndër ta është edhe botuesja, njëherazi dhe kandidate e PD për zgjedhjet 25 prill, Flutura Açka.
E ftuar në ?Abc e Mëngjesit?, ajo ka hedhur poshtë këto akuza, duke u shprehur se nuk është stili i saj.

?Unë kam qenë në rolin e botuese, mund të kem thënë ndonjë gjë të vogël, ndonjë fjalë, por vetëm kaq.
Po ta shikosh si libër, se u përfol edhe në disa gazeta. Disa kolegë pa emër, që mirë është të dalin me emër që thonë jo e ka shkruar Flutura, jo e ka shkruar ky. Ata që e kanë thënë këtë i bie që nuk kanë lexuar asgjë nga Flutura. Po ta lexosh librin do e kuptosh që ka një lidhje dhe është i shkruar nga e njëjta dorë, është Lul Basha, nuk ka asnjë tjetër?, është shprehur Açka.

Gjithashtu ajo u shpreh se me Bashën ka jetuar në të njëjtin qytet në Holandë, por nuk kanë pasur njohje.

?Ne jetonin në të njëjtin qytet, e kisha dëgjuar emrin e tij, por nuk është se ishim takuar?.

Ndër të tjera, ajo zbulon se në një kapitull të librit shpjegohet se Basha është një vazhdim i Sali Berishës dhe nuk e cënon për ta zëvendësuar.

?Ka një kapitull, madje e shpjegon edhe me detaje dhe thotë që ai është një vazhdim i Sali Berishës. Berisha është padyshim lideri historik i Partisë Demokratike dhe nuk cënon fare që ta zëvendoj se nuk i bën hije. Ky është një profil tjetër, Berisha është një profil tjetër?, u shpreh Açka./CNA.al





Lajmet e fundit nga