web counter
LEXO PA REKLAMA!

SHKARKO APP

App Store
Google Play

E fundit!

x

Loja me vaksinat e paçertifikuara/ Gazetari ‘godet’ Ramën

26 Mars 2021, 10:05, Politikë CNA

Gazetari Nikoll Lesi me anë të një shkrimi në gazetën e tij, ka komentuar mbi vaksinat kineze të ardhura në vendin tonë. Sipas tij kryeministri Edi Rama këtë gjë po e përdor vetëm që të sigurojë më  shumë vota.

?Ajo çfarë po bën kryeministri Rama me lojën e vaksinave të pa çertifikuara ruse dhe kineze, mbetet një lojë në thelb antieuropiane dhe antiamerikane. Vetëm që të marrë vota nga vaksinimi, ai është turr me avion e makina kudo ku dëgjon emrin vaksinë.

 Nuk po pyet nëse janë të certifikuara apo jo si dhe a njihen nga agjensia kompetente e BE apo nga Autoritetet e Barnave Amerikane. Gjithçka në funksion të fushatës dhe votes?, shprehet Lesi.

Më tej ai shton se Rama nuk e pranon që nuk ka plotësuar 15 kushtet e BE-së por dëshiron të justfikojë mungesën e perspektives evropianë për fajin e qeverisjes së tij.

?Nuk thotë se nuk ka plotësuar 15 kushtet e BE, por i bie nga Kina që të justifikojë mungesën e perspektives europiane për fajin e qeverisjes së tij. Edi Rama krijoi me mediat e tij, që financon apo që u jep leje ndërtimi pronarëve të tyre, se në këto ditë të vështira për popullin shqiptar po na gjenden Rusia dhe Kina, kurse BE jo. As SHBA, jo!

 Kjo është lojë e rrezikshme për të spostuar boshtin e strategjisë së Shqipërisë drejt Turqisë, Rusisë dhe Kinës. Nëse shikon rrjetet sociale fill pas këtij sulmi të kryeministrit, kanë filluar komentet negative ndaj SHBA dhe sidomos BE.?, shprehet Lesi.





Lajmet e fundit nga