E fundit!

18:07 Aktualitet

Komisioni i Reformës Zgjedhore kërkon shtyrjen e afatit të punës

Komisioni i Posaçëm i Reformës Zgjedhore ka bërë kërkesë K...

Sa të sigurta janë vaksinat kineze?/ Tomini: Sinovac do të jetë për imunizimin e tufës

26 Mars 2021, 15:29, Politikë CNA

Zëvendësministrja e Shëndetësisë, Eugena Tomini ka folur për sigurinë e vaksinave ruse dhe vaksinave kineze të ardhura në vendin tonë.

Sipas Tominit, Komiteti Teknik ka dakordësuar hyrjen e vaksinave si kineze ashtu dhe ruse në Shqipëri, pavarësisht studimeve të pjesshme, duke shtuar që firma që ka prodhuar vaksinën ruse ka dorëzuar dosjen në OBSH për t?u futur në përdorim.

Zëvëndësministrja shton që Sinovac do të jetë për imunizim masiv të tufës, duke filluar vaksinimin për grupmoshat nga 70 deri në 80 vjeç.

E ftuar në emisionin “Ditari”, Tomini thekson që me ardhjen e vaksinave të tjera do të vijojë ulja e fashave të vaksinimit me mbi 60 vjeç, duke i dhënë prioritet edhe grupeve me sëmundje të tjera.

?Duhet të theksoj se hyrjet e vaksinave në territorin shqiptar kalojnë një proces verifikimi paraprak përkundrejt një komisioni imunizimi teknik dhe kombëtar, të cilët vlerësojnë të gjitha të dhënat që kanë certifikuar vaksinat. Ky komitet ka dakordësuar hyrjen e vaksinave si kineze ashtu edhe ruse në Shqipëri, përkundrejt studimeve, qofshin këto edhe të pjesshme. Elementi i fundit, këto studime që para janarit ishin të vakëta, tani firma që ka prodhuar vaksinën ruse ka dorëzuar dosjen në OBSH për t?u futur në përdorim.

Sinovac, vaksina kineze, do të jetë për një imunizim masiv. Kapacitetet janë aktualisht. Janë përfshirë edhe grupmoshat. Ndërkohë, janë përfshirë edhe grupmoshat specifike. Do të vijojë vaksinimi te fasha mbi 80 vjeç, ndërsa do të fillojë vaksinimi edhe te personat nga 70 në 80 vjeç. Kombinimi i këtyre fashave me të gjithë personelin tonë mbështetës sigurisht që nuk paraqet asnjë lloj dileme, jo vetëm nga komiteti i imunizimit, por edhe komiteti teknik.

Vaksinat janë certifikuara nga autoritetet rregullatorë të vendeve që e kanë prodhuar dhe e kanë kaluar të gjithë sitën e institucioneve që e kanë miratuar atë për popullatën e tyre. Më shumë se 160 milionë doza janë shpërndarë në mbarë botën, në 22 vende që e kanë në aplikim të popullatës së tyre. Deri tani, mbi 70 individë në mbarë botën kanë marrë vaksinën e Sinovac. Me ardhjen e sasive të tjera të vaksinave do të ulet fasha në mbi 60 vjeç e më tej. Do t?i jepet prioritet edhe grupet me sëmundje të tjera. Por kjo do të vijë në mënyrë graduale?, tha Tomini./CNA.al