Andi Përmeti i pari në listën e Bindjes në Korçë/ Tregon synimin e tij në zgjedhjet e 25 prillit

27 Mars 2021, 10:13, Politikë CNA

Deputeti Andi Përmeti garon në zgjedhjet e 25 prillit nën siglën e Partisë Bindja Demokratike në qarkun e Korçës.

Përmeti renditet i pari në listë, ndërsa ka kërkuar votëbesimin nga qytetarët korçarë, për fillimin e një epoke të re në politikbërjen e vendit.

Në një intervistë për CNA.al, Përmeti u shpreh se gjatë dy viteve në Parlament, ka qenë një zë i fuqishëm i komunitetit që përfaqësonte, ndërsa shtoi se ka denoncuar edhe një sërë problemesh në qarkun e Korçës.

?Unë besoj mirë. Unë jam lindur e rritur në Korçë. Pjesa më e madhe e miqve të mi janë korçarë dhe ata më njohin mirë. Unë jam i njëjti person, i cili çoi zërin e tyre në Parlament këto 2 vite, duke kundërshtuar pakompromis çdo ligj abuziv të sjell nga qeveria Rama, duke denoncuar probleme, duke kërkuar llogari nëpërmjet interpelancave dhe në Komisionin e Ligjeve?, tha ai.

Përmeti shtoi se Bindja synon që në zgjedhjet e 25 prillit të jetë forcë parlamentare dhe përcaktuese e qeverisë së ardhshme.

Deputeti u shpreh se shëndeti i qytetarëve është primar dhe se nuk do të zhvillojë asnjë aktivitet politik kundër vendimit të Komitetit të Ekspertëve, në ambiente të mbyllura dhe me më shumë se 10 persona.

?Bindja Demokratike synon të jetë forcë parlamentare dhe brenda Parlamentit të jetë forcë qeveriformuese.

Unë e kam nisur fushatën me një premtim për banorët e qarkut Korçë, i kam premtuar që nuk do kryej asnjë takim në ambient të mbyllur me mbi 10 veta. Për mua është më e rëndësishme shëndeti i qytetarëve sesa çdo votë e tyre për mua. Po të shohësh partitë e tjera, duket qartazi që interesi i tyre nuk është dhe s?ka qenë për asnjë moment shëndeti i qytetarëve dhe ky është edhe një nga problemet më të mëdha të kundërshtarëve, neglizhenca totale ndaj shëndetit të qytetarëve?, tha Përmeti për CNA.al.

Sa i takon koalicionit pas zgjedhore që Bindja mund të krijojnë, deputeti u shpreh: ?Kjo nuk varet nga ne, kjo varet nga tabloja që do krijojë votuesi. Ne kemi një program konkret se si mund ta bëjmë Shqipërinë një vend më të mië e më të drejtë. Ne do i përmbahemi programit dhe leximit të votës për të vendosur mundesinë e koalicionit passzgjedhor?.

Kandidati i Bindjes komentoi edhe veprimet antikushtetuese të presidentit Ilir Meta, ku shprehu keqardhje që kreu i shtetit nxit dhunë dhe përçarje.

?Keqardhje. Keqardhje sepse presidenti është simboli i unifikimit kombëtar dhe jo nxitesi i përçarjes, dhunës, agresivitetit?, deklaroi Përmeti.

Kandidati i Bindjes ka edhe një mesazh të fundit për qytetarët korçarë. ?Unë i kërkoj qytetarëve të Korçës të besojnë te ndryshimi. Ndryshimi nuk arrihet në një ditë, por ndryshimi ka një fillim. Unë besoj se fillimi i ndryshimit është data 25 prill, duke besuar te vizioni i partisë Bindja Demokratike?, u shpreh Andi Përmeti në një intervistë për CNA.al.