E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ambasadori rus kthen sytë nga 25 prilli/ “Shpresojmë për marrëdhënie të mira me qeverinë e re”

26 Mars 2021, 22:26, Politikë CNA

Zgjedhjet e 25 prillit në vendin tonë kanë tërhequr vëmendjen dhe të ambasadorit rus në Tiranë Mihail Afanasiev.

Sipas tij, pika e parë do të ishte rifillimi i punës së Komisionit Ndërqeveritar Rusi-Shqipëri për Tregtinë, Bashkëpunimin Ekonomik dhe Tekniko-Shkencor, siç u dakordësua në vizitën e fundit që kryeministri Edi Rama bëri në Moskë. Afanasiev tha për emisionin EuropeIN në MCN se ky komision deri në vitin 2009 ka funksionuar në mënyrë shumë efektive dhe aktive.

?Shpresojmë që pas përfundimit të zgjedhjeve parlamentare të datës 25 prill dhe formimit të qeverisë së re të Shqipërisë, autoritetet e vendit do të kenë mundësinë të trajtojnë temën e komisionit ndërqeveritar, dhe më pas të mund të kthehemi së bashku në tryezën e bisedimeve dhe të diskutojmë të gjitha çështjet e ngutshme të bashkëpunimit tonë. Ne nuk i diktojmë askujt si të jetojë dhe nuk japim këshilla, nëse nuk na kërkohet?, tha ai.

Afanesiev shtoi që janë faktorët e jashtëm ato që kanë ndikuar në prishjen e marrëdhënieve mes Shqipërisë dhe Rusisë.

?Arsyet e rënies së nivelit të marrëdhënieve tona më duken disi artificiale. Me sa duket, ky është një nga elementët e luftës politike që po zhvillohet jo vetëm midis forcave politike në vetë Shqipëri, por edhe në rajon në tërësi, në të cilin lojtarë të ndryshëm të jashtëm garojnë për të ushtruar ndikim. Shembuj të gjallë, përfshirë ato të vendeve fqinje, tregojnë se kjo gjendje e bashkëpunimit tonë dypalësh nuk është normale?, tha ai.

Sipas ambasadorit, fakti që edhe Shqipëria pranoi marrjen e vaksinës ruse Sputnik pas refuzimit fillestar nga kryeministri Rama, është shumë pozitive për nisjen e një marrëdhënie shumë të mirë.

?Zhvillimi i ngjarjeve ka treguar se politika e egoizmit kombëtar, e cila është shfaqur në disa vende të caktuara në botë, po na çon në një rrugë pa krye. Gjëja e parë që vlen të ketë vëmendjen tonë është efikasiteti i saj i lartë i provuar (mbi 91%), numri minimal i efekteve anësore të identifikuara, kushtet e thjeshta të ruajtjes (në një temperaturë prej + 2 gradë deri në +8 gradë) dhe avantazhi i rëndësishëm i tregut ?vaksina ka një çmim të ulët, krahasuar me analogët e tjerë?, tha ambasadori.

Ambasadori deklaroi se Rusia është e gatshme të njohë Kosovë shtet, nëse do kjo do të thotë që të arrihet marrëveshja ndërmjet dy palëve.

Rusia pranon çdo zgjidhje që do të arrihet nga palët. Nëse zgjidhja do të thotë pavarësi, atëherë Rusia do të njohë pavarësinë e Kosovës. Ne gjithashtu besojmë se vendimi që do të merret si rezultat i dialogut, do të duhet të miratohet nga një rezolutë e re e Këshillit të Sigurimit të OKB-së, në mënyrë që ajo të marrë një legjitimitet global dhe çështja e Kosovës të hiqet përgjithmonë nga axhenda ndërkombëtare?, u shpreh ai./CNA.al