web counter
LEXO PA REKLAMA!

SHKARKO APP

App Store
Google Play

E fundit!

x

Kujtim Gjuzi me shokë kërkon nga KQZ lek për fushatë: Jemi deputetë

27 Mars 2021, 09:51, Politikë CNA

Deputetët Kujtim Gjuzi, Selami Jenishehri, Kostaq Papa dhe Zef Shtjefni, kanë kërkuar nga Komisioni Qendror i Zgjedhjeve që t?u japë para për fushatën elektorale për zgjedhjet e 25 prillit.

Katër deputetët kanë bashkuar forcat nën koalicionin ?ABEOK?, që përfshin Partinë Kombëtare Konservatore Albania, të Kujtim Gjuzit, Partinë Ora e Shqipërisë të Zef Shtjefnit, Partinë Bashkimi Popullor i Pensionistëve të Shqipërisë të Selami Jenishehrit dhe Partinë e Emigracionit Shqiptar të Kostaq Papës.

Ditën e enjte ata kanë ankimuar në Komisionin e Ankesave dhe të Sanksioneve vendimin e Komisionerit Ilirjan Celibashi për ndarjen e fondeve për partitë politike, vendim që i lë jashtë këtij fond. Gjuzi me shokë pretendojnë se Celibashi ka shkelur ligjin për partitë politike dhe saktësisht në nenin 19 të tij, ku përcaktohet mënyra e ndarjes së fondeve.

Ky nen thotë se 70 për qind e fondit elektoral u ndahet partive politike sipas numrit të deputetëve që kanë fituar në zgjedhjet e fundit, 20 për qind në mënyrë të barabartë për të gjitha partitë që kanë marrë mbi 10 mijë vota në zgjedhjet e fundit dhe 10 për qind sipas përqindjes së fituar ndërmjet partive politike që kanë marrë pjesë në zgjedhjet e fundit parlamentare dhe kanë fituar mbi 1 për qind të votave në shkallë vendi.

?Theksojmë se në rastin konkret ne kemi 4 deputetë me mandat që është koalicioni ABEOK?, thuhet në ankimimin e dorëzuar në KAS nga ky koalicion./CNA.al





Lajmet e fundit nga