web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet e 25 Prillit/ Delegacioni i BE-së thirrje partive politike

25 Mars 2021, 09:50, Politikë CNA

Sot  nis zyrtarisht fushata elektorale për zgjedhjet e 25 Prillit.

Kreu i delagacionit të BE-së në Shqipëri Luigi Soreca dhe Shefat e Misioneve të Shteteve Anëtare të BE-së në Shqipëri kanë bërë thirrje që partitë politike dhe kandidatët të përqendrojnë debatet e tyre në programet e tyre përkatëse politike dhe në reformat që ata synojnë të paraqesin për të përmirësuar jetën e të gjithë qytetarëve.

?Shefi i Delegacionit të BE-së dhe shefat e misioneve të Shteteve Anëtare të BE-së në Shqipëri kanë ndjekur nga afër përgatitjet e zgjedhjeve parlamentare dhe fushatës elektorale deri më tani.

Nisja e fushatës zyrtare është rasti që partitë politike dhe kandidatët t?i përqendrojnë debatet e tyre te programet përkatëse politike dhe reformat që synojnë të paraqesin për të përmirësuar jetën e të gjithë qytetarëve.

Zgjedhjet transparente, gjithëpërfshirëse, të lira dhe të ndershme, si dhe respektimi i rezultatit të tyre, janë të rëndësishme për të siguruar legjitimitetin e Asamblesë dhe qeverisë së re. Ne kemi besim se të gjitha institucionet përkatëse shqiptare dhe aktorët politikë do të veprojnë në përputhje me standardet ndërkombëtare dhe me vendimet e Komisionit Qendror të Zgjedhjeve.
Ne i inkurajojmë qytetarët e Shqipërisë të ushtrojnë të drejtën e tyre për të votuar, duke respektuar të gjitha masat kundër pandemisë COVID-19.

Ne mirëpresim dhe mbështesim përpjekjet e organizatave shqiptare të shoqërisë civile për të vëzhguar fushatën zgjedhore dhe procesin e ditës së zgjedhjeve. Komuniteti ndërkombëtar po e mbështet dhe po e monitoron në mënyrë aktive të gjithë procesin e përgatitjes dhe kryerjes së zgjedhjeve, para së gjithash përmes misionit të ODIHR-it. Po ashtu, Delegacioni i BE-së dhe ambasadat e Shteteve Anëtare të BE-së do të vizitojnë një numër të madh vendvotimesh ditën e zgjedhjeve.

Ne qëndrojmë me vendosmëri me Shqipërinë në rrugën e pranimit të saj në BE? , thuhet në deklaratën e Shefit të Delegacionit dhe shefave të misioneve të Shteteve Anëtare të BE-së në Shqipëri /CNA.al

 





Lajmet e fundit nga