E fundit!

12:03 Aktualitet

“Rast me pasuri të konsiderueshme”/ Braho paralajmëron goditjen e radhës nga SPAK-u

Kreu i Prokurorisë së Posaçme, Klodjan Braho, tha sot se p...

Çfarë borxhi i ka Mateo Balli, ish-deputetit Kadilli?!

25 Mars 2021, 09:39, Politikë CNA

Sot starton fushata elektorale dhe në Korçë, por kandidatët po hedhin në sulm mbështetësit e tyre. Dikush takon grupe kriminale e ju premton se e ardhmja do jetë e ndritur, një tjetër reklamon një kandidat në rrjetet sociale.

Kudo premtime dhe gënjeshtra që fillojnë nga postet e drejtorëve deri tek pazaret më të fëlliqura. Ka dhe raste si një personazh politik i PD në Korçë, Mateo Balli i listuar si kandidat për deputet në degën e Korçës, por që Lulzim Basha fshiu b? me emrin e tij.

Për të qenë pjesë e lojës Balli ka zgjedhur të mbështesë një tjetër kandidate, ajo quhet Sorina Koti e cila doli në krye të listës së Korçës më 2 intriga. Së pari shpalli veten kandidate e Bindjes Demokratike, së dyti Fatbardh Kadilli mentori i saj shpirtëror, këtë lojë e çoi tek Basha i cili në fund e shpalli kandidate.

Por, tani kur Sorina e ka vendin të sigurt, çunat janë vërsulur për të shpallur mbështetjen ndaj saj. Mateo Balli edhe pse vetë pretendent për kandidat ka zgjedhur të zëvendësojë Kadillin part time, pasi ky i fundit është në Tiranë dhe nuk ka zbarkuar ende në Korçë për të zhvilluar fushatën, prandaj dikush duhet të zinte hapësirën e lënë bosh.

Mateo shkruan ?Rreth një muaj para zgjedhjeve, duke parë aktualitetin shqiptar të dhimbshëm dhe rëndësinë e këtyre votimeve, do t’ju kërkoja vetëm disa minuta kohë për të kërkuar dhe lexuar.
Përballë kampeve politike, në lidhje me përfaqësimin e grave në parlament, do t’ju kërkoja minimalisht të shihni ne internet CV-në e kandidateve.

Në këtë aspekt, e djathta, përfaqësohet nga vajza korçare Sorina Koti, mbesa e patriotit Dhori Koti, e edukuar me dashuri ndaj atdheut dhe me një arsimim tepër dinjitoz. Por shumë e rëndësishme dhe shembull për rininë është fakti se si janë rritur profesionalisht dhe politikisht kandidatët. Referuar CV-së, znj.

Koti shfaq një linjë të vazhdueshme, bazuar tek forca e individit si tek karriera profesionale dhe tek ajo politike, ndërsa në kampin tjetër vemë re ngritjet galopante, të pamerituara bazuar tek periudhat para/pas “rilindase”, para/pas “peleshiane”. Për këto arsye, si detyrim moral për të ardhmen, merrni disa minuta kohë duke lexuar, hulumtuar dhe analizuar, se për kë do të votoni……?, përfundon ai.

Shumë mirë deri këtu, por pozicionin e tij si zëvendësues i Fatbardh Kadillit nuk e ka sqaruar. Për këtë priten më shumë takime kokë më kokë në ditët në vijim./CNA.al