web counter
LEXO PA REKLAMA!

SHKARKO APP

App Store
Google Play

E fundit!

x

“Javë e tmerrshme për Tiranën”/ Ish ministrja ngre alarmin

25 Mars 2021, 08:11, Politikë CNA

Ish ministjra e Integrimit, Klajda Gjosha thotë se kjo ka qenë një javë e tmerrshme për Tiranën.

Përmes një postimi në rrjetet sociale, ajo ka bërë një përmbledhje të ngjarjeve në Tiranë duke filluar nga prishja e maternitetit Mbretëresha Geraldinë deri tek vendimi që Galeria Kombëtare e Arteve të ndjekë fatin e godinës së Maternitetit.

Ajo thekson se në fund të mandatit kjo qeveri po shkatërron e tjetërson çdo pasuri kulturore e publike.

?Javë e tmerrshme për Tiranën. Të shtunën në darkë u prish materniteti Mbretëresha Geraldinë, monument kulture e memorie historike për të gjithë qytetarët që lidhën me të me qindra mijëra kujtime! Të hënën u prish Mozaiku i Tiranës. Gjurma më e vjetër historike e Kryeqytetiti nga periudha e Perandorisë Romake, asaj Bizantine dhe fillimet e Krishtërimit në Shqipëri. Shkatërrohet në pak sekonda duke u mbuluar e gjitha në beton! Ndërkohë po këto ditë është marrë dhe vendimi në KKT që Galeria Kombëtare e Arteve të ndjekë fatin e godinës së Maternitetit. Për fat të keq projekte të ngjashme janë parashikuar dhe për Muzeun Historik dhe Bibliotekën Kombëtare.
Në fund të mandatit kjo qeveri po shkatërron e tjetërson çdo pasuri kulturore e publike. Duket sikur zemërimi për humbjen e pushtetit po del duke shkatërruar cdo gjurmë historie dhe identiteti mbi kryeqitetin e Shqipërisë! 25 prilli nuk është vetëm rotacion politik por dhe mision kombëtar! Duhet t’ia ndalim dorën kësaj qeverisje, para se të na tjetërsojë dhe si qytetarë e si komb?, shkruan Gjosha./CNA.al





Lajmet e fundit nga