web counter
LEXO PA REKLAMA!

SHKARKO APP

App Store
Google Play

E fundit!

x

Patozi: Bindja Demokratike si garante e interesit publik dhe e një shumice të balancuar

25 Mars 2021, 14:11, Politikë CNA

Kreu i Bindjes Demokratike, Astit Patozi ka akuzuar qeverinë Rama se në katër vjeçarin e fundit ka sjellë dëme për vendin dhe ka apeluar qyetarët që të kthejnë sytë nga Bindja Demokratike.

?Vota për Bindjen Demokratike është garancia për një mazhorancë, që ruan balancat, respekton të drejtat e qytetarit, përtej ndarjeve politike, e cila bashkëpunon me të gjithë për forcimin e shtetit ligjor. Katër vjeçari i fundit i qeverisë Rama vërtetoi qartazi se një parti e vetme apo një shumicë njëngjyrëshe sjell dëme të parikuperueshme për vendin, edhe për shkak se mungon zëri kritik brënda saj?- ka shkruar Patozi.

Sipas tij këtë herë qytetarët do të zgjedhin avokatët më të mirë të një mazhorance afër tyre.

“Nëse doni që njëra apo tjetra palë të krijojë kultin e individit, njësoj si në folklorin komunist, ku të gjithë i këndonin dhe i bënin fresk liderit të pagabueshëm, atëherë kjo është çështje zgjedhjeje. Por unë jam i bindur se këtë herë qytetarët do të dinë të zgjedhin avokatët më të mirë të një mazhorance afër tyre, e cila synon mbi të gjitha ndryshimin e mendësisë së të drejtuarit të Shqipërisë.

Në Bindjen Demokratike ekziston fryma e lirë dhe e hapur, ku secili e bën zgjedhjen e vet, në bazë të parimeve kryesore, që na bashkojnë. Dhe ajo për të cilën biem dakord të gjithë është se çdo qeverie nesër i lipset të ketë në përbërje të saj forcën tonë politike, e cila, pa asnjë dyshim, i ka të gjitha potencialet e duhura për të qenë garante e interesit publik?- ka shkruar Patozi./CNA.al





Lajmet e fundit nga