E fundit!

18:12 Aktualitet

Nis protesta e pestë e qytetarëve në Tiranë

Mbahet ditën e sotme protesta e radhës e qytetarëve në Tir...

Nga mitingjet e Berishës, tek autosallonet e Lulzim Bashës

25 Mars 2021, 14:47, Politikë CNA

Pasditen e sotme, Partia Demokratike do të çelë fushatën zgjedhore.

Për shkak të situatës nga Covid, PD ka vendosur të bëjë një show me autosallon. Pra makina të ndryshme që do të mblidhen në sheshin ?Nënë Tereza? për të treguar që kishte njerëz, ishin kaq mjete me kaq njerëz brenda makinave, e të tjera si këto.

Kjo në fakt duket një autosallon ku kuanti i Lulit kërkon të shesë makina, përveç milionave e milionave të fituara gjatë qeverisë së Edi Ramës, pasi në rast se do të shikonim bizneset e tij, të ardhurat që ka Lulzim Basha, fitimet e tyre janë shtuar në mënyrë t pandalshme më shumë se kurrë gjatë pushtetit të Edi Ramës. Ndoshta mund të jetë një nga kompanitë numër një për fitimet e rezlizuara.

Nga ana tjetër autosalloni duket një zgjidhje mashtruese për të treguar se gjoja në shesh ka njerëz dhe Luli ka mbështetje popullore si kandidat për kryeministër dhe kjo vjen në një moment kur të gjitha sondazhet, edhe ato që realizon natën, Çim Peka dhe manipulon eskorta e Lulit, ky i fundit nuk del fitues.

Më shumë sesa një çelje fushate, si një autosallon ku shiten makina luksoze të ?bosave? që vijnë vërdallë Lulit me shpresën se do të kapin diçka nesër në pushtet së bashku me bandën e LSI, duket se do të kemi një tentativë të Lulzim Bashës për të treguar se sa shumë e duan qytetarët.

Në fakt e vërteta është krejt ndryshe, Lulzim Basha është njeriu që përçau opozitën. Kandidon pas tetë vitesh opozitë me të paktën pesë subjekte opozitare të tjera siç është Nisma Thurrje, Lëvizja për Ndryshim e Topallit, Bindja Demokratike e Patozit, apo partia e Myslim Murrizit.

Është i vetmi njeri që në 30 vite nuk mundi të bashkojë opozitën pas tetë vitesh. Berisha në vitin 2008 mblodhi pas vetes edhe ata që e quajtën armik në vitin 1997.

Edi Rama në 2013 mori edhe koston e bllokut të Ilir Metës, ndërsa Lulzim Basha me një opozitë të përçarë kërkon që nëpërmjet një autosalloni të justifikojë pazaret e tij të fëlliqura të tetë viteve dhe të tregojë se tani ka ardhur koha që tani të vijë në pushtet.

Ai në fakt nuk ka bërë opozitë, por gjithmonë ka qenë bashkëpunëtori dhe ortaku më i ngushtë i qeverisë. Kujtojmë këtu aleancën me Edi Ramën në vitin 2017 dhe marrëveshjet me Ilir Metën, president sot dhe dje personi që solli Ramën në pushtet.

Prandaj autosalloni i sotëm, një kopje e shëmtuar e fushatave të presidentit Biden në SHBA, nuk është gjë tjetër thjesht dhe vetëm dështimi i pritshëm i Lulzim Bashës që me makina të mbledhura në një shesh që dje Berisha e mbushte me njerëz, Lulzim Basha do të tregojë se është gati për të ardhur në pushtet si kryeministër.

Megjithëse që të fitojë duhet të mbledhë votat e shqiptarëve, të cilat pritet që të jenë më të pakta se kurrë për shkak të pazareve dhe tradhtive që Lulzim Basha i ka bërë PD dhe demokratëve duke përdorur siglën dhe logon e saj për pasurimin e tij dhe familjarëve të tij./CNA.al