Balla në takimin e PSE/ “Politika e jashtme e Shqipërisë, 100% në përputhje me BE”

25 Mars 2021, 15:02, Politikë CNA

Kryetari i Grupit Parlamentar të Partisë Socialiste, Taulant Balla mori pjesë në një takim me grupin parlamentar të PSE me drejtuesit më të lartë socialodemokratë dhe socialist, nga ku janë diskutuar çështje të rëndësishme të politikës së brendshme dhe të jashtme të BE. Lajmin e bëri të ditur vetë Balla përmes një postimi në rrjetin social.

Në takimin e organizuar ishin të pranishëm dhe kryeministri i Suedisë Stefan Löfven, kryeministri i Portugalisë Antonio Kosta, kryeministri i Maltës Robert Abela dhe përfaqësues të institucioneve të Bashkimit Europian si Josep Borrell, përfaqësuesit i Lartë i BE-së për Punët e Jashtme dhe politikën e Sigurisë dhe David Sassoli, presidenti i Parlamentit Europian.

Balla theksoi fjalën e Josep Borrell, përfaqësuesit të lartë të Bashkimit Europian për Politikën e Jashtme, rëndësinë e unifikimit të qëndrimit në çështje me rëndësi të politikës së jashme dhe të avancimit të vendeve të Ballkanit Perëndimor drejt axhendës europiane.

Taulant Balla shtoi se ndihet krenar që Shqipëria është një ndër të vetmet vende e cila ka një përputhje shumë të mirë me politikën e jashtme të Bashkimit Europian

Kënaqësi të merrja pjesë në Takimin (online) të Presidencës së PSE, me drejtuesit më të lartë të partive socialiste dhe socialdemokrate europiane, ku u diskutua mbi harmonizimin e qëndrimit në lidhje me çështje të rëndësishme të politikës së brendshme dhe të jashtme të BE.
Në takim ishin të pranishëm kryeministra të vendeve anëtare si Kryeministri i Suedisë Stefan Löfven, Kryeministri i Portugalisë Antonio Kosta, Kryeministri i Maltës Robert Abela dhe përfaqësues të institucioneve të Bashkimit Europian si Josep Borrell, Përfaqësuesit i Lartë i BE-së për Punët e Jashtme dhe Politikën e Sigurisë dhe David Sassoli, Presidenti i Parlamentit Europian.
Në fjalën e tij Josep Borrell theksoi rëndësinë e unifikimit të qëndrimit në çështje me rëndësi të politikës së jashme dhe të avancimit të vendeve të Ballkanit Perëndimor drejt axhendës europiane.
Krenar të theksoj që Shqipëria prej vitesh është vendi i vetëm i Ballkanit Perëndimor që ka një politikë të jashtme 100% në përputhje me politikën e jashtme të Bashkimit Europian./CNA.al