LSI ankohet për kamerat/ Pse nuk flet kandidati i tyre, ish-kreu i SHISH?

24 Mars 2021, 19:48, Politikë CNA

Pasditen e sotme kandidatja e LSI Elona Guri rrahu qytetarin në Durrës. Për këtë ngjarje policia e shoqëroi në komisariat, ndërsa LSI e Durrësit u mundua të justifikonte veprimin e kandidates së saj.

LSI-ja lokale deklaron se drejtuesit kanë gjetur kamera përgjimi në zyrën qendrore në Durrës dhe pretendon se pas këtij skandali qëndron Arbër Koka, djali i Lefter Kokës.

Sipas tyre, Guri ka denoncuar Arbër Kokën si autor të këtij skandali dhe pronarin e ambientit ku ishte strehuar serveri dhe kabujt e kamerave të përgjimit.

“Duke marë shkas nga transformimi i ngjarjes së skandalit më të paprecedentë në procesin zgjedhor në 30 vitet e fundit, dhe keq-informimit dashakeq nga Policia e Shtetit, e cila e shtyrë dhe e ndikuar politikisht fsheh të vërtetën e hidhur po ju sqarojmë si më poshtë: Gjetja e pajisjeve përgjuese dhe kamerave në zyrën qendrore të LSI Durrës. Drejtuesit e LSI Durrës kanë zbuluar kamera përgjimi që monitoronin e përgjonin Zyrën e LSI Durrës.

Dyshimi lindi pasi të gjithë qytetarët e thjeshtë që shkonin në këtë zyrë kontaktoheshin, intimidoheshin dhe kërcënoheshin me vendin e punës ose presione të tjera nga Arbër Koka, djali i Lefter Kokës, apo anëtarë të shtabit elektoral të tij.
U zbuluan kamerat dhe serverat me regjistrime. U njoftuan autoritetet dhe prezente fizikisht në Komisariatin e Policisë në Durrës, drejtuesja politike e LSI Durrës dhe kandidatja e LSI për Durrësin, znj. Elona Guri denoncoi Arbër Koka, djalin e Lefter Kokës si autor të këtij skandali dhe pronarin e ambientit ku ishte strehuar serveri dhe kabujt e kamerave të përgjimit?, thuhet në deklaratë.

Ndërkohë që pak minuta më parë, vetë Elona Guri bëri një denoncim në rrjetin social ku u shfaq në krah të Bahri Shaqirit i cili për shumë vite ka qenë ish-kreu i SHISH.

Qesharak është fakti që një individ që ka qëndruar për një kohë të gjatë në shërbimin sekret nuk ka arritur të identifikojë pajisjet e përgjimit, që sipas tyre ishin vendosur në selinë e LSI. Si një person që ka qënë për shumë vite në SHISH, Shaqiri nuk flet asnjë fjalë por rri si ?manikin? në krah të Elona Gurit e cila akuzon qeverinë se po i provokon./CNA.al