web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet e 25 prillit/ Zyra e Komisionerit thirrje partive politike: Kujdes me të dhënat personale

24 Mars 2021, 15:45, Politikë CNA

Zyra e Komisionerit për të Drejtën e Informimit dhe Mbrojtjen e të Dhënave Personale ka bërë një deklaratë në kuadër të zgjedhjeve parlamentare të 25 prillit.

Zyra e Komisionerit bën të ditur se po ndjek me vëmendje të gjithë veprimtarinë. Ajo thotë se është detyrim i të gjithë subjekteve kontrolluese të të dhënave personale që të përmbushin detyrimet për mbrojtjen e të dhënave personale.

Zyra e Komisionerit thekson se do të vlerësojë nëse ka cënime nga subjektet politike dhe I bën thirrje partive që të tregohen të vëmendshëm, proporcionalë dhe të përgjegjshëm në përpunimin e të dhënave personale.

?Kohët e fundit nga organe mediatike është informuar se subjekte të ndryshëm politikë kanë intensifikuar komunikimet elektronike me qytetarët në kuadër të fushatës zgjedhore. Zyra e Komisionerit, në zbatim të kompetencave të saj, po e monitoron situatën në vijimësi dhe do të vlerësojë çdo rast të cenimit të të drejtave të subjekteve të të dhënave personale.

Në këtë kontekst, ftojmë të gjithë subjektet e përfshira në procesin zgjedhor të tregohen të vëmendshëm, proporcionalë dhe të përgjegjshëm në përpunimin e të dhënave personale.

Subjektet politike dhe çdo kandidat i tyre, duhet në çdo kohë të zbatojnë parimet e mbrojtjes të të dhënave personale për përpunimin e të gjitha të dhënave personale që grumbullojnë, të tilla si emri, atësia, mbiemri, datëlindja, kodi i banesës, shtetësia dhe numri personal i identifikimit, numri i telefonit, etj dhe detyrimet e përcaktuara nga Udhëzimi i Komisionerit Nr. 35, datë 07.05.2013 ?Për përpunimin e të dhënave personale për qëllime të fushatës zgjedhore?.

Zyra e Komisionerit nxit të gjithë qytetarët të jenë të ndërgjegjësuar për ushtrimin në praktikë të të drejtave të tyre, që garantohen nga legjislacioni për mbrojtjen e të dhënave personale, duke denoncuar çdo rast të keqpërdorimit të tyre?, thuhet në deklaratë./CNA.al





Lajmet e fundit nga