web counter
LEXO PA REKLAMA!

SHKARKO APP

App Store
Google Play

E fundit!

x

Basha: Zgjedhjet e 25 prillit nuk janë për Ramën e as për mua

19 Mars 2021, 20:49, Politikë CNA

Kryetari i Partisë Demokratike, Lulzim Basha, ka zhvilluar sot një vizitë në Gjirokastër, ku ka dëgjuar nga afër ankesat e qytetarëve.

Basha deklaron se zgjedhjet e 25 prillit nuk janë për Edi Ramën e as për të, por janë për qytetarët.

Sipas tij, këto zgjedhje janë për ndryshimin, për ta bërë Shqipërinë sa më shpejt pjesë të Europës.

“Mirënjohje për pritjen e mrekullueshme qytetarëve të Gjirokastrës. Kudo që shkova, këdo që takova, preka entuziazmin e qytetarëve që kërkojnë ndryshimin.

Është e qartë për këdo se zgjedhjet e 25 prillit nuk janë për Ramën apo për mua. Këto zgjedhje janë për qytetarët.

Këto zgjedhje janë për ndryshimin, për ta bërë Shqipërinë sa më shpejt pjesë të Europës. Dhe këtë nuk mund ta bëjë dikush që ka mbajtur peng Shqipërinë për 8 vite dhe që pengoi integrimin e vendit në BE.

Të gjithë shqiptarët e dinë se nëse nuk i afrohemi BE-së nuk do të ketë ndryshim. Afrimi i Shqipërisë në BE do të sjellë investime të huaja, do të rikthejë të rinjtë, do të ndryshojë ekonominë tonë!

Ne do të sjellim ndryshimin që shqiptarët po e presin me padurim. Në 25 prill do të fitojë Shqipëria!“, shkruan kreu i opozitës./ CNA.al





Lajmet e fundit nga