web counter
LEXO PA REKLAMA!

SHKARKO APP

App Store
Google Play

Zgjedhjet e 25 prilliit/ Komunitetet Fetare thirrje liderve të partive politike: Tregoni frymën e tolerancës

18 Mars 2021, 20:46, Aktualitet CNA

Komunitetet Fetare u kanë bërë thirrje partive politike që të kenë frymën e tolerancës dhe bashkëpunimit procesin zgjedhor të 25 prillit.

Në një deklaratë të përbashkët, Komuniteti Fetar në Qarkun e Elbasanit shprehet se pamjet që shfaqën në këtë qytet në 14 mars nga përplasja e militantëve të PS me ata të PD ishte e shëmtuar dhe njollosi ditën e Verës.

Sipas tyre, liderët duhet të tregohen të matur e të përmbajtur duke paraqitur me mençuri dhe urtësi opsionet dhe kandidatet e tyre tek banorët.

“Fryma e tolerancës dhe mirëkuptimit duhet të udhëheqë partitë politike në fushatën zgjedhore.

Si gjithë banorët edhe Komunitetet fetare në Qarkun e Elbasanit po jetojnë me atmosferën e fushatës zgjedhore të 25 Prillit që sapo ka nisur këto ditë, dhe me keqardhje pamë se kjo fushatë u ballafaqua me incidente ndërmjet dy forcave politike kryesore që në hapat e para, e pikërisht në një ditë të shënuar për Elbasanin, duke njollosur festën e Ditës së Verës me akte dhune ndërmjet simpatizantëve të tyre. E njëjta skenë është përsëritur sot edhe në Labinot. Kjo qasje konfliktuale e cila është larg frymës së qytetarisë elbasanase jo vetëm nuk na nderon të gjithëve por edhe cenon qetësine dhe harmoninë me te cilën shquhet qyteti ynë.

Krerët fetare edhe me parë kanë parashtruar se fryma e urrejtjes dhe mostolerancës është e dëmshme dhe na çojnë drejt konflikteve të hapura.

Edhe një herë drejtuesit e komuniteteve fetare të Q. B. N. F u bëjnë thirrje lidereve partive politike të tregohen të matur e të përmbajtur duke paraqitur me mençuri dhe urtësi opsionet dhe kandidatet e tyre tek banoret e Qarkut tonë, që në mënyrë te qetë e lirish të zgjedhin alternativën që është më afër kërkesave të tyre.

Ndaj u bëjmë thirrje lidereve te partive, kanditateve dhe simpatizanteve te tyre, te tregohen te matur e qytetarë në sjelljet e tyre!

Lutemi dhe mbetemi me shpresë që zeri dhe shqetesimi yne do te gjeje mirekuptimin dhe mbeshtetjen e te gjitha palëve”, thuhet në deklaratë./CNA.al





Lajmet e fundit nga