E fundit!

15:38 Aktualitet

Goditi protestuesin në Zvërnec/ Ndryshon masa e sigurisë për një nga punonjësit e sigurisë së kantierit

Gjykata e Apelit ka ndryshuar masën e sigurisë për një ng...

Sot drejton Top Channel/ Çfarë deklaronte vite më parë Blushi i incineratorëve për mediat

18 Mars 2021, 19:20, Aktualitet CNA

Ben Blushi është një nga drejtuesit e mediave më të akuzuar për skandale dhe afera. Afera ku përmendet më së shumti është ajo e incineratorëve, por akuza ndaj tij janë ngritur edhe nga një sërë biznesmenësh.

Sot Blushi është drejtori i Top Channel, të cilin duket se po e dërgojnë drejt shkatërrimit, por disa kohë më parë, kur ai ishte në krye të Libras, hidhte baltë ndaj vetë mediave.

CNA.al ka risjellë një video të Blushit kur ai bënte fushatë për mediat dhe në një takim me banorët e Shalzës, Blushi ka sulmuar mediat.

Ai deklaronte se mediat janë bërë palë me të pasurit dhe nuk arrijnë të qajnë hallin e qytetarëve të thjeshtë.

?Kjo është një pasiguri, por duhet të tregoni që i gjithë populli i Shalzës jeni në një mëndie. Mblidhuni këtu, bëni një marshim, leni një orar dhe tre mijë veta shkoni në Fier, ajo është gjëja që duhet të bëni, se e gjithë Shqipëria nuk e di, mediat nuk u japin. Mediat janë të lidhura me palën pengesë, kjo është çështja dhe u kanë bojkotuar.

Ju nuk duhet të vdisni, duhet të sensibilizoni Shqipërinë, se jeta juaj është në rrezik dhe qeveria që po iu përfaqëson nuk është me ju, nuk iu mbron, por është me palën që iu rrezikon jetët tuaja. Kjo ndodh për shkak të ryshfetit natyrisht, e thashë edhe aty brenda që një naftë me gjak ne nuk e duam. Kjo është gjaku juaj dhe makinat nuk mund të mbushen me naftë me gjakun tuaj?, ka thënë Blushi kohë më parë.

Po sot, kur Blushi po grabit qytetarët e thjeshtë, a tregon që media është e lidhur me pushtetin dhe të pasurit?

Mos ndoshta deklarata ka qenë një parashikim për të ardhmen e tij? Apo mos ndoshta Blushi po i paralajmëronte ata qytetarë të thjeshtë se të njëjtën gjë do të bënte edhe ai kur të merrte frerët e Top Channel?

Kjo pasi Ben Blushi është rasti tipik se si një politikan, siguron pasuri dhe vjehrrin e bën rrugës ndërtues pallati, i cili kap vlerën mbi 10 milionë euro në mes Tiranës.

Në investigimet e kryera nga media, rezulton se vjehrri i Ben Blushit, Abaz Brati ka ndërtuar një pallat në qendër të Tiranës, pasi ka përfituar një pjesë prone me një gjyq formal duke stisur një borxh që në fakt mohohet sot nga ortaku i këtij investimi.

Kjo tregon se janë të gjitha dyshimet, pas qëndrimeve të biznesmenit Andron Dhima, se skema është përgatitur në favor të Ben Blushit dhe është ky i fundit që ka bërë vjehrrin e tij ndërtues pallatesh.
Blushi njihet ndryshe edhe si njeriu që ka fituar miliona nga inceneratorët, së bashku me bashkëshorten e tij dhe Mirel Mërtirin dhe Klodian Zoton./CNA.al