web counter
LEXO PA REKLAMA!

SHKARKO APP

App Store
Google Play

E fundit!

x

Largimi i 87 kandidatëve nga KQZ/ Bylykbashi: Vendimi është paligjshëm

18 Mars 2021, 15:06, Aktualitet CNA

Vendimi i Komisionit Qendror të zgjedhjeve për largimin e 78 kandidatëve nga lista e e koalicionit opozitar nuk është pritur aspak mirë nga ish-deputeti i PD Oerd Bylykbashi.

Sipas tij, ky vendim është jo vetëm i paligjshëm, por edhe arbitrar duke shtuar se janë lënë jashtë minoritete të njohura me ligj.

?Vendimi i KQZ për të shkurtuar listat e opozitës dhe të koalicionit të opozitës është jo vetëm i paligjshëm, por edhe arbitrar. Ligji zgjedhor nuk përcakton maksimum, por vetëm minimum për kandidaturat në çdo qark. Aq më keq që vendimi ka lënë jashtë edhe përfaqësues të minoriteteve që janë të njohura me ligj?, tha ai.

Bylykbashi theksoi se kjo paligjshmëri goditet nga Kodi Zgjedhor duke treguar se listat e limituara në emra, KQZ duhet të vendos që të gjithë kandidatët të përfaqësohen në fletën e votimit me emra dhe jo me numra.

?Prishja e koalicioneve, pengimi i tyre dhe tashmë pengimi i kandidatëve të koalicionit për të garuar, kjo paligjshmëri goditet në Kolegjin Zgjedhor. Prezenca e një numri kandidatësh sa ç?janë propozuar nga koalicioni që udhëhiqet nga PD, e bën krejtësisht të mundur që në fletët e votimit të jenë listat e partive me emra që zgjedhësi të ketë mundësinë të përzgjedhë emrin e kandidatit që preferon?, shtoi ai.

Për Bylykbashin të gjithë kandidatët janë të pastër dhe shton se opozita dhe PD janë ballëhapur përballë ligjit të dekriminalizimit.

?Ne i kemi marrë të gjitha masat që kandidatët tonë të jenë të pastër. PD dhe opozita është ballëhapur përballë ligjit të dekriminalizimit?,shtoi më tej Bylykbashi/CNA.al





Lajmet e fundit nga