E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

Vota e emigrantëve/ Majko tregon se sa e realizueshme do jetë në 25 prill

17 Mars 2021, 17:18, Aktualitet CNA

Ministri i Diasporës Pandeli Majko ka folur lidhur me çështjen e votimit t emigrantëve më 25 Prill. Sipas tij puna në Komisionin Qendror të Zgjedhjeve për votimin e emigrantëve është bllokuar nga përfaqësuesit e opozitës, pasi ata nuk aprovojnë miratimin e akteve nënligjore përkatëse. Majko në një intervistë në FaxNews u shpreh se përfaqësuesit e opozitës mendojnë se votimi i emigrantëve do të perceptohet si një sukses i mazhorancës.

?Pyetja që shtrohet se nuk është si por është kur. Në informacionet që kam unë që nga janari në KQZ kanë qenë gati aktet nënligjore, siç e kërkon ligji i Kodit Zgjedhor i miratuar në qershor të vitit të kaluar, por për shkak të arsyetimeve të ndryshme gjërat u zvarritën pasi pala e propozuar nga opozita nuk i ka miratuar. Megjithatë ne organizuam disa tryeza të rrumbullakëta ku ftuam edhe përfaqësues të organizatave në Diasporë. Në fund fare përpara dy javëve përfaqësuesi i Partisë Demokratike dhe ai I LSI-së kërkuan 48-orë kohë për të shprehur opinionin në lidhje me aktet nënligjore që i kishte dërguar Komisioni Qendror i Zgjedhjeve partive politike. Do të shprehte Partia Demokratike opinionin pasi nga Partia Socialiste nuk kishte asnjëherë kontestim. Ne i dhamë 48-orë kohë, pritëm 48-orë, pastaj vajtën 72-orë, pastaj vajtën një javë, pastaj vajti dy javë dhe përfundimisht nga informacionet që kam nga KQZ aktet nënligjore nuk kanë për të kaluar si pasojë e paqartësisë që ekziston nga përfaqësuesit e opozitës në Komisionin Qëndror të Zgjedhjeve. Mbase dikush mendon se votimi I shtetasve jashtë vëndit do të konsiderohej një sukses i mazhorancës dhe jo I opozitës por në fakt do të ishte një sukses i Shqipërisë. Unë nuk mund të përcaktoj dhe të them që fajtor në këtë rast është Komisioni Qëndror i Zgjedhjeve pasi Komisioni është i përbërë nga përfaqësues të maxhorancës dhe opozitës, dhe vota e emigrantëve është bllokuar nga përfaqësuesit e opozitës në Komision?, tha Majko./CNA.al