web counter
LEXO PA REKLAMA!

SHKARKO APP

App Store
Google Play

“Turpi u mbetet atyre që e kanë”/ Rama kritika Bashës 

17 Mars 2021, 11:46, Aktualitet CNA

Kryeministri i vendit Edi Rama ka kritikuar kreun e opozitës Lulzim Bashën për grumbullimet gjatë fushatave elektorale.

Në vizitën e një qëndre për vaksinimet e mësuesve në Fier, Rama tha se është një fatkeqësi e madhe që për interesa politikë jepet shembulli më i gabuar duke mbledhur njerëz dhe ngritur gishtat mbi makina.

?Është fatkeqësi e madhe që për shkaqe politike dhe interesa partiake dikush jep shembullin më të gabuar duke grumbulluar njerëz dhe ngritur gishtat mbi makina. Është shumë e rëndësishme që njerëzit të kuptojnë vetë që kjo është luftë me shëndetin.?

Rama shtoi se luftën me shëndetin mund ta fitojmë vetëm nëse largohemi nga situata të tilla absurde që krijojnë injorancë.

Kryeministri iu bën thirrje qytetarëve të bëjnë kujdes në mënyrë që të mbrojnë shëndetin e tyre.

?Të gjithë duhet të bëjnë kujdes dhe të largohen nga situata absurde e atyre që krijojnë injorancë. Fushata, zgjedhjet, vendet në Kuvend, karriget janë të gjitha pesë me hiç përpara kësaj sfide dhe këtij objektivi. Ne do vazhdojmë intensivisht vaksinimin dhe të bëjmë kujdes. Turpi u mbetet atyre që e kanë?, tha Rama./CNA.al





Lajmet e fundit nga