web counter
LEXO PA REKLAMA!

SHKARKO APP

App Store
Google Play

Alban Bushi merr portier në kategorinë e katërt italiane

17 Mars 2021, 07:56, Sport CNA

Alban Bushi do të fillojë që në mars ndërtimin e përfaqësueses me të cilën në muajin qershor nis rrugëtimin në kualifikueset e Europianit U21. Trajneri ka nisur të përgatitë listën dhe të shpërndajë ftesat për lojtarët që do të jenë të grumbulluar në një ?zbor? të mirëfilltë në vendin tonë, ku do të luhen edhe dy ndeshje miqësore.

Edhe pse nuk është bërë ende e ditur përbërja e skuadrës apo kundr kujt do të zhvillohen këto ndeshje, me shumë mundësi ekipe të kampionatit shqiptar apo përfaqësuese të tjera moshash kuqezi, Bushi pritet të grumbullojë shumë elementë nga kampionati shqiptar.

Kjo bëhet për të evituar situata të pakëndshme me lojtarët që udhëtojnë nga jashtë Shqipërisë në periudhën e pandemisë, Megjithatë, do të ketë edhe emra nga jashtë, pasi janë disa lojtarë që janë të gatshëm të provohen me kuqezinjtë meqë kanë pretendime se janë në nivelin e duhur, edhe pse rreizkojnë karantinën pas kthimit përsëri në klubet e tyre.

I tillë është rasti i portierit Klejvis Shiba, i cili luan me San Nikolo Notaresko në kategorinë e katërt italiane. 20-vjeçari është ftuar në këtë grumbullim dhe do të jetë në dispozicion të Bushit, duke shpresuar që t?i mbushë mendjen stafit të tij se e meriton një ftesë edhe në ndeshjet zyrtare të kuqezinjve në muajt në vijim.





Lajmet e fundit nga