web counter
LEXO PA REKLAMA!

SHKARKO APP

App Store
Google Play

E fundit!

x

Champions League/ Manchester City dhe Reali kalojnë me lehtësi

16 Mars 2021, 19:23, Sport CNA

CITY-MYSHENGLADBAH 2-0

Manchester City ka regjistruar një tjetër fitore komode përballë Borussia Monchengladbachut (2-0) duke siguruar pjesëmarrjen në çerekfinale të Ligës së Kampionëve. Të sfidat e 1/8 së finales u zhvilluan në terren neutral, Puskas Arena të Budapestit, ndërsa që të dyja takimet i fitoi skuadra angleze dhe vazhdon tutje me rezultat të përgjithshëm prej (4-0). Kevin De Bruyne e zhbllokoi rezultatin në minutën e 13-të të takimit, pasi pranoi një top nga Riyad Mahrez dhe goditi në mënyrë fantastike nga jashtë zonës.Nuk zgjati shumë (18?) dhe u shënua goli i dytë. Phil Foden e nxori për mrekulli Ilkay Gundoganin para portierit dhe mesfushori ishte i saktë. Një tjetër rast shënimi në fraksionin e dytë e pati Riyad Mahrez, megjithatë në këtë gjysmë nuk u shënuan gola të tjerë. Manchester City vazhdon në fazën tjetër të garës më të madhe evropiane për klube dhe do ta presë kundërshtarin e radhës në shortin për çerekfinale.

REAL MADRID-ATALANTA 3-1

Real Madrid ka arritur që të fitojë 4-1 me rezultat të përgjithshëm ndaj Atalantas në ndeshjen e dytë të 16-tës së finales në Ligën e Kampionëve. ?Galaktikët? zhvilluan një ndeshje shumë të mirë dhe si rezultat i kësaj janë kualifikuar në çerekfinale të Ligës së Kampionëve. Karim Benzema hapi serinë e golave duke shënuar në minutën e 34-të, për të shkuar në pushim të pjesëve me epërsi. Në pjesën e dytë, Sergio Ramos shënoi nga penalltia për të dyfishuar rezultatin në minutën e 60-të. Luis Muriel shënoi një gol shumë të bukur nga goditja e lirë, mirëpo kjo ishte gjithçka çfarë ofroi Atalanta. Marco Asensio u përkujdes për golin e fundit të ndeshjes dhe kësisoj i dha epilogun përfundimtar ndeshjes në minutën e 85-të





Lajmet e fundit nga