web counter
LEXO PA REKLAMA!

SHKARKO APP

App Store
Google Play

Forcohen masat e izolimit në shumë vende evropiane

16 Mars 2021, 14:42, Kosova & Bota CNA

Kufizime më të forta që synojnë frenimin e infeksioneve të koronavirusit u vendosën në pjesën më të madhe të Italisë dhe disa zona të Polonisë të hënën, ndërsa në Francë, Parisi rrezikon të përballet me një bllokim në fundjavë pasi shtrimi në spitale me pacientët COVID-19 është pranë pragut maksimal.

Sipas një vendimi të marrë nga qeveria italiane në fund të javës së kaluar, 80% e fëmijëve nga cikli i ulët e deri në shkollat e mesme, nuk do të shkojnë në shkollë duke filluar nga e hëna. Numrat gjithnjë në rritje të shtretërve në dhomat e emergjencës me pacientët me COVID-19 dhe rritja e përditshme e infeksioneve kryesisht nga një variant i zbuluar në Britani bënë që qeveria e re e kryeministrit italian Mario Draghi të shpallë si “zona të kuqe” më shumë rajone përfshirë Lazion, rajoni që përfshin Romën.

Në rajonet e zonave të kuqe, restorantet dhe kafenetë mund të shërbejnë vetëm me porosi, dyqanet jo-thelbësore mbyllen dhe banorët duhet të qëndrojnë në shtëpi, përveç atyre që shkojnë në punë, ose bëjnë pazare për gjëra të nevojshme. Gjatë fundjavës, shumë sallone zgjatën oraret për të trajtuar klientët e minutës së fundit dhe turmat mbushën rrugët e pazareve, parqeve dhe shëtitoreve bregdetare përpara se të hynte në fuqi përsëri bllokimi/Voa





Lajmet e fundit nga