web counter
LEXO PA REKLAMA!

SHKARKO APP

App Store
Google Play

E fundit!

x

“Shqipëria ka nevojë urgjente për ndryshim”/ Basha: Do e sjellin qytetarët

15 Mars 2021, 20:02, Politikë CNA

Kryetari i Partisë Demokratike, Lulzim Basha, ka zhvilluar sot takime me qytetarë në Vorë, Kamëz dhe Marikaj.

Basha thotë se Shqipëria ka nevojë urgjente për ndryshim, pasi pretendon se të gjithë qytetarët i janë ankuar se vendi nuk mund të vazhdojë të qeveriset më nga kryeministri Edi Rama.

Sipas tij, janë qytetarët ata që do ta sjellin ndryshimin me votën e tyre më 25 prill.

?Sot në Vorë, Kamzë e Marikaj çdo qytetar që takova më konfirmoi se Shqipëria kërkon ndryshim, sepse Shqipëria ka nevojë urgjente për ndryshim.

Nga çdo qytetar që takova dëgjova të njëjtën bindje: pas 8 vitesh me Ramën, vendi nuk mund të vazhdojë kështu. Të njëjtën bindje se ne duhet të ndryshojmë dhe koha është tani.

Në Vorë, në Kamzë, në çdo shtëpi që hyra, në çdo rrugë që kalova mora mesazhin e qartë se janë pikërisht qytetarët ata që do ta sjellin ndryshimin me votën e tyre më 25 prill.

Prandaj ne jemi bashkuar për ta sjellë këtë ndryshim dhe për të nisur punën për qytetarët shqiptarë dhe për ta futur Shqipërinë në Bashkimin Europian.

Më 25 prill, të gjithë së bashku do të sjellim ndryshimin dhe Shqipëria do të fitojë!?, theksoi kreu i opozitës./ CNA.al





Lajmet e fundit nga