web counter
LEXO PA REKLAMA!

SHKARKO APP

App Store
Google Play

Humbi vëllain në shpërthimin e Gërdecit/ Avokati thirrje KQZ: Mos e regjistroni Fatmir Mediun në zgjedhje

15 Mars 2021, 16:38, Politikë CNA

Sot 13 vite nga tragjedia e Gërdecit, ku humbën jetën 26 persona, mes tyre burra, gra dhe fëmijë, të afërm të viktimave kërkojnë drejtësi.

Avokati Geraldo Durda, i cili ka humbur të vëllanë, i ka bërë thirrje kreut të KQZ, Ilirjan Celibashi që të mos regjistrojë në zgjedhje Fatmir Mediun.

?Komenti im është vetëm apelim për drejtësinë shqiptare: të vënë drejtësinë për 26 jetët e humbura. Ajo që ndodhi në Gërdec ishte krim i organizuar, jo aksident teknologjik. Këto duhet të zbardhë drejtësia shqiptare. Mbajmë shpresa të mëdha në Strasburg. Dua t?i bëj thirrje kunatit të Fatmir Mediut, Ilirjan Celibashit, kreut të KQZ, që mos ta regjistrojë në këto zgjedhje si kandidiat për deputet. Është nje person që i është shmangur drejtësisë duke patur mandatin e deputetit”, tha Durda, në Vizion Plus.

Ai gjithashtu bëri me dije se familjet e prekura nga tragjedia e Gërdecit 13 vite më parë, kanë depozituar në SPAK një kallëzim penal, ku kërkojnë rigjykimin e Fatmir Mediut./CNA.al





Lajmet e fundit nga