web counter
LEXO PA REKLAMA!

SHKARKO APP

App Store
Google Play

E fundit!

x

Deklaratat e Bozos për Enver Hoxhën/ Lubonja: Zonja mbetet intelektuale organike ndaj regjimit

15 Mars 2021, 17:45, Politikë CNA

Analisti Fatos Lubonja ishte i ftuar pasditen e sotme nw rubrikwn ?Opinion? ku mes tw tjera ka komentuar edhe deklaratën e bërë nga Luljeta Bozo e cila njw ditw mw parw u shpreh se Enver Hoxha kishte më shumë anë pozitive se sa negative.

Lubonja tha se Bozo është intelektuale organike ndaj regjimit, dhe jo kritike ndaj tij.

Ai shtoi se në Shqipëri nuk ka ndodhur dekomunistizimi, sidomos i intelektualëve që sipas tij edhe sot bashkohen me pushtetin.

“Sigurisht e pashë si konfirmimim më shumë të një mendimi, që e kam të pjekur nga periudha 30-vjeçare. Ai që quhet dekomunistizim nuk ka ndodhur në Shqipëri. Ka shumë aspekte, por nuk ka ndodhur sepse nuk është dekomunistizuar ai intelektuali organik, kështu quheshin intelektualët si znj.Bozo. Pra që është organik me regjimin, në shërbim të regjimit. Dhe jo intelektuali kritik, që ka nevojë pushteti.

Kjo si figurë, janë shumë, nuk kanë arritur të shkëputen nga ky intelektual. Ky është regjim, ku intelektualët mbeten organikë ndaj regjimit. Nuk luajnë rolin kritik.

E keqja e madhe është se deklarata e saj, nuk ka kuptuar ende si intelektuale organike se progresi nuk është progres teknologjik. Se mund të flasësh për progres teknologjik dhe në kohën e Enver Hoxhës. Por progresi është tek dinjiteti, sa më shumë liri, mundësi dhe dinjitet ka njeriu.

Vetë zonja nuk çlirohet dot nga intelektuali organik. Intelektuali kritik në periudhën e dytë duhet të bëjë kritikën. E dyta, mungesa e ndjeshmërisë ndaj gjithë atyre viktimave. Kur thashë njeriu, njeriu është shkatërruar. Ndjeshmëria ndaj njeriut duhet të ishte e madhe. Kur ke pasur gjithë ato kampe, burgje, shumë e rëndë të bësh deklarata të tilla. Edhe në çështjen e teknologjisë. Ajo që nuk sjellin dot edhe si trashëgimi, këta lloj intelektualësh, është ku kemi gabuar, si kemi gabuar, dhe jo të mburremi me ato që bëmë mirë”, tha ai./CNA.al





Lajmet e fundit nga