web counter
LEXO PA REKLAMA!

SHKARKO APP

App Store
Google Play

E fundit!

x

Malltezi hedh në gjyq për shpifje Top Channel/ 7 fakte përkundrejt pretendimeve

15 Mars 2021, 11:08, Politikë CNA

Drejtuesi i Departamentit të Mjedisit në PD, Jamarbër Malltezi ka hedhur në gjyq për shpifje Top Channel dhe Ben Blushin sa i takon aferës korruptive të inceneratorëve, që është denoncuar edhe nga CNA.al.

Përmes një postimi në rrjetin social, Malltezi shprehet se Top Channel  është paguar 78 milionë lekë nga kompania që duhet të kishtë ndërtuar inceneratorët, ndërsa shtoi se pjesë e kësaj pakete ishin edhe sulmet personale në drejtim të tij.

?Meqe Blushin tashme e njohin gjeresisht per dredharak (sidomos 20,000 votuesit e Libra-s qe ne 2017 e quante inceneratoret megaafere ndersa tani po lepin Ramen ne kembim te bashkeortakesise me mafien e plehrave), vendosa te hedh ne gjyq per shpifje Top Channel, meqe ky TV ka nxjerre disa emisione me genjeshtra dhe shpifje te ulta e te pabazuara personale.

Ne fakt, sic u pa javen e shkuar Top Channel u pagua plot 78 milione leke nga kompania qe duhet te kish ndertuar inceneratorin dhe qe ka monopolin e gjithe llojeve te mbejteve ne Tirane, ne kembim te shfaqjes se dy dokumentareve reklame per plehrat e Tiranes perfshi edhe te pakte 7 mashtrime te trasha ndaj personit tim. Kompania e plehrave (bashkeortaku i Blushit) pagoi 78 milione leke ne Nentor 2020 dhe po ne Nentor 2020 Top Channel shfaqi sajesat si dokumentar top story! 

Para 2 javesh ?top inceneratori? shfaqi prape emisione me genjeshtra qe perbejne shpifje ndaj meje. I quajti familjen Begeja dhe gjithe familjet e tjera pronare te vjetra te Tiranes hajdute per procesin e kthimit te prones te nisur 30 vjet me pare. Nuk paraqiti asnje fakt e asnje prove, vec pretendime dhe me pas u rrek t?i pranonte per te verteta dhe i quajti hajdute familjet e vjetra te Tiranes qe moren token e vet (qe hajdutet komuniste ua kishin grabitur), pas proceseve te gjata te para 25-30 viteve me dhjetera vendime te ish komisionit te kthimit te pronave dhe vendime gjykatash?, shkruan Malltezi.

Drejtuesi i Departamentit të Mjedisit në PD shton më tej se sulmi personal ndaj tij sa i takon kompleksit ?Partizani? është aq i pavërtetë, sa nuk kanë guxuar as mediat e tjera si Carlo Bollino që është pranë qeverisë ta bëjë lajm.

“Kjo ishte nje shpifje qe nuk guxoi ta beje as Bolino qe e kam denoncuar publikisht se po grabit 4 prona publike mes Tiranes, e ka bere vec tualeti dhe Gjykata e Tiranes pasi tualeti deshtoi te paraqiste ndonje prove e gjeti fajtor per shpifje. Me pas ne apel tualeti mikloi nje ?hallexhi? gjyqtar qe tani ka dhene doreheqjen i frikesuar nga vetingu, i cili ne mungese te provave, shpifjen e tualetit e quajti si deklarate politike e drejte e shprehjes. Po e pres ne Gjykate te Larte prej 7 vitesh tualetin te paraqise prove ose te shpallet shpifes. Tani te njejten gje po bej me Top Channel qe ngaqe merr miliona nga korrupsioni galopant i Edi Rames mendon se mund t?i sherbeje duke shpifur per te tjeret?, tha ai.

 

Malltezi ka ftuar publikisht Ben Blushin që të mos merret me fjalë boshe por të bazohet tek  provat, ndërsa ka nxjerrë 7 fakte konkrete se si drejtori i përgjithshëm i Top Channel së bashku me Klodian Zoton dhe Mirel Mërtirin po vjedhin miliona nga taksat e shqiptarëve me aferën e inceneratorëve.

?E ftoj Blushin dhe ata qe po perlajne para nga inceneratoret te paraqisin fakte e jo llogje personash te diskretituar publikisht. Perkundrejt pretendimeve te Blushit, gazetaret e dine mire qe ka dallim te madh mes faktit dhe pretendimit apo aludimit: (1) Fakt eshte qe Zoto, Mertiri dhe Blushi nuk kishin 2.1 milione euro para pak vitesh, pra para se Edvini t?u jepte dhjetera miliona euro per plehrat; (2) fakt eshte se Blushi si kryetar i Libra ne 2017 e quante mega-afere grabitjen e parave publike me inceneratoret; (3) fakt eshte se Zoto, Mertiri dhe Blushi u munduan te fshihen deri ne Bullgari te krijojne kompani se bashku; (4) fakt eshte se kjo kompani lidhi kontrate 2.1 milion euro me pronaren e Top Channel per blerjen e 51% te aksioneve te Lori Cafe;

(5) fakt eshte se Blushi as nuk i kishte gjendje 733,000 euro qe duhej te ishte pjesa e tij prej 1/3 ne kontraten 2.1 milion euroshe dhe as nuk tregon dot ndonje fature pagese prej 733,000 mije euro; (6) fakt eshte se ne Nentor 2020 kompania e inceneratorit e bashkeortakut te Blushit beri pagese mbi 78 milion lekeshe tek Top Channel dhe po ne Nentor 2020 Top Channel i prodhoi dhe shfaqi dokumentar pozitiv mbi inceneratorin (inekzistent!) dhe monopolin e gjithe llojeve te mbetjeve te Tiranes; (7) fakt eshte se une po e padis per shpifje te kryer publikisht Top Channel dhe e ftoj te paraqese ne gjykate nese ka prova.”, shkruan Malltezi. 

Duke iu përgjigjur asaj që trasmetoi Top Story, Malltezi shprehet se familjet Begeja, Llagami, Vaqari, Alimemeti dhe Saliaga prej 30 vjetësh janë duke kërkuar të drjtën e tyre të pronës, që pushtetarët kanë vjedhur.

“Familjet Begeja, Llagami, Vaqari, Alimemeti dhe Saliaga jane familje te vjetra dhe te nderuara te Tiranes. Kane kerkuar pronat qysh prej 30 vitesh dhe kane dyzina vendimesh te ish komisionit te kthimit te pronave dhe vendime gjykatash. Begejat jane familja e katert me e goditur nga tatimi i jashtezakonshem dhe diku me pak se 8% e pronave jane kthyer. Ne perputhje me ligjet e shtetit dhe sidomos ligjin e kthimit te pronave te 2004 qe i kthente menjehere pronarit te ligjshem tokat nese ishin zene nga ushtria por qe nuk perdoreshin per qellime ushtarake, familjeve pronareve te Tiranes ju kthye toka ku ish ngritur klubi i ministrise se mbrojtjes partizani. Me pas shteti qe ua kish zaptuar per 60 vjet pa shperblim pronen, edhe i detyroi pronaret te blinin me para edhe objektet e vjetra, te rrenuara dhe te zaptuara nga 43 familje informale.

Shume hajdute me petk shteti kishte klubi qe nuk benin gje tjeter vecse merrnin harac ca nga 43 familjet informale dhe ca nga trafikantet e droges qe e kishin kthyer ne nje baze te madhe trafiku. Pronaret qe kishin token, u detyruan dhe paguan edhe per objektet e uzurpuara (krahasoje me dhoron e katert publike qe po i ben kreu i krimit Rama bolinos se vet qe i fal edhe 5000 m2 toke edhe 2 kate objekt pa pagese, biles edhe ia shemb me parate e shtetit!). Nese do ishte klub jo i vjedhur nga ish-zyrtaret nuk do kishte 43 familje informale brenda objekteve te tij.

Pronaret qe kishin token pranuan disa parime te paimagjinueshme per hajdutet ne krye te shtetit, si psh qe cdo banor qofte edhe informal do kompensohej dhe ne fund te projektit jeton me mire sesa ka pasur jetuar ne fillim te tij. Jane mbi 2500 m2 apartamente dhe mbi 500,000 euro te shpenzuara per te strehuar familjet informale. Me tregon dot nje rast Blushi ku shteti i ka trajtuar kesisoj familjet infomale? Me pas token e tyre e zhvilluan jo me Shkrelin apo Eftimin por me Daniel Libeskind, kryeurbanisti i Ground Zero ne Neë York. Kjo eshte vlere e shtuar per qytetin. Sipas sugjerimit te Libeskind pronaret e ruajten gjithe token si zone kembesore dhe mbollen mbi 2000 peme. Edhe kjo eshte nje vlere e shtuar per komunitetin pasi kompleksi i banimit Magnet ka ajrin me cilesine me te mire ne Tirane ndonese eshte diku me pak se 1 km larg ne vije ajrore nga kryqezimi me ajrin me te ndotur te Tiranes. Keto gjithashtu jane fakte, por Blushi dhe Topi kane halle te medha te fshehin milionat qe po perlajne me mafien e inceneratoreve ndaj nuk duan faktet por pretendimet.

E ftoj Top Channel te kete miresine te paraqese prova per ato qe ka deklaruar dhe mos fshihet se kinse po e sulmojne per fjalen e lire?, shkruan Jamarbër Malltezi./CNA.al

 

 





Lajmet e fundit nga