web counter
LEXO PA REKLAMA!

SHKARKO APP

App Store
Google Play

Meta shpjegon skenën e lajthitjes/ Si ndodhi që dola nga kontrolli?

15 Mars 2021, 10:34, Politikë CNA

Presidenti Ilir Meta në një konferencë për shtyp me gazetarët ka treguar për ndodhinë e shëmtuar e disa ditëve më parë ku u fut me dhunë në ambientet e FRD, ku u përplas me policinë.

Reagimi i tij u komentua si një lajthitje mendore nga shumë personazhe politike. Në lidhje me këtë ai ka treguar ditën e sotme të gjithë situatën, duke e përshkuar me detaje skenën e lajthitjes.

“Situata e dhunshme që ndodhi në Selinë e Frymës së Re Demokratike dhe sulmi ndaj kësaj force politike vetëm pak ditë pas nënshkrimit të marrëveshjes me partitë opozitare është një tjetër tregues i sjelljes së paligjshme të mazhorancës për të minuar pluralizmin politik në vend. Ky sulm bie ndesh me të gjitha parimet e shtetit të së drejtës. Të gjitha sulmet janë kryer në kundërshtim të hapur me ligjin. E gjithë veprimtaria e kryetarit të bashkisë është në shkelje të hapur të të gjitha parimeve mbi të cilat funksionon administrata. 

Në ambientet e FRD-së ishte ngjitur diku në korridoret e saj një letër pa origjinë, pa nënshkrim, me vulë titullari, e datës 3 mars me qëllim që ta bënin këtë të dukej si akt zyrtar për të justifikuar dhunën dhe terrorizimin e kësaj force politike. Kjo letër përveçse nuk plotëson kriteret minimale të një akti administrativ por nuk citonte asnjë bazë ligjore. FRD i shkëputen energjinë elektrike ndërkohë që kryetari dhe disa drejtues të saj ishin në ambientet brenda.

Ky ishte momenti kur kryetari i FRD-së më njoftoi.  Pas kam mbërritur te hyrja kryesore e godinës dera ka qenë e mbyllur nga policët bashkiakë me uniformë apo pa uniformë sikur të ishte skenë krimi. Është hapur dera dhe është lënë të futej vetëm Presidenti i Republikës dhe janë penguar me dhunë dhe forcë stafi i Presidentit dhe disa drejtues të FRD-së. Ky është momenti kur unë kam reaguar“, tha Meta/CNA.al





Lajmet e fundit nga