web counter
LEXO PA REKLAMA!

SHKARKO APP

App Store
Google Play

E fundit!

x

Incidenti në Elbasan/ Flutura Açka: Mund të kemi një fushatë zgjedhore me probleme

15 Mars 2021, 10:29, Politikë CNA

Shkrimtarja Flutura Açka, kandidate e PD në Elbasan, tha për Euroneës Albania se incidenti i shënuar një ditë më parë në Elbasan, ku militantë të PS dhe PD u përplasën fizikisht ishte i pahijshëm dhe sinjal për qeverinë që të marrë përgjegjësinë dhe të lërë policinë të mos mbajë njërën palë dhe të mbrojë opozitën, në mënyrë që të krijojë frymën se po shkojmë në zgjedhje normale.

Sipas saj, edhe nëse ka pasur thirrje refuzuese nga ana e militantë të PD kjo nuk është një arsye për të goditur popullin nga njerëz të panjohur që janë të mbrojtur nga pushteti.

?Nuk është në nderin e kryeministrit që të shoqërohet nga njerëz që me një thirrje refuzuese janë gati të të godasin. Çdo njëri ka të drejtën e protestës. Incidenti ose bëhet enkas për t?i shtirë frikën qytetarëve të Elbasanit, por gjithsesi është një gjë e pahijshme. Tregon se përpara mund të kemi një fushatë me probleme. Qytetarët e Elbasanit kanë nevojë të votojnë të lirë, jo në trysninë e njerëzve të pushtetit dhe që kanë një mbrojtje nga shteti?, tha znj. Açka.

E pyetur lidhur me rëndësinë e pjesëmarrjes së grave në listat e kandidatëve për deputete në Kuvendin e ardhshëm, znj. Açka u shpreh se ka ardhur koha që qasja ndaj rolit të gruas në politikë të jetë e vërtetë, jo për hir të përqindjes që kërkohet.

Sipas saj, gratë më politikë kanë dhënë shumë më tepër, se burrat dhe prania edhe më cilësore e tyre mund të bëjë ndryshimin.

Znj. Açka u shpreh se duhen politika më të mira lidhur me gruan dhe familjen që ajo e përfaqëson më së miri, teksa e sheh problemin tek zbatimi i ligjeve të cilat në letër nuk mungojnë.

Ajo e cilësoi të papranueshme gjuhën e përdorur nga kryeministri ndaj grave kandidate në kampin kundërshtar politik.

?Opozita është institucion, është e pahijshme për një kryeministër të bullojë gratë?, tha znj. Açka./CNA.al





Lajmet e fundit nga