web counter
LEXO PA REKLAMA!

SHKARKO APP

App Store
Google Play

E fundit!

x

Manjani: Strategjia e PS është goditja e LSI, votat e saj kanë shkuar te PD dhe në zonën gri

11 Mars 2021, 22:13, Politikë CNA

Ish-ministri i Drejtësisë, Ylli Manjani thotë se prirja e votës në sondazhin e Euronews Albania dhe MRB, konfirmohet qëndrueshmëria e mbështjetjes për Partinë Socialiste, rritja e Partisë Demokratike ndërsa pikëpyetja më e madhe qëndron mbi Lëvizjen Socialiste për Integrim.

?LSI është pikëpyetja më e madhe dhe që reflekton në fakt përplasjen e jashtëzakonshme që ka PS me LSI, që ndodh përditë. Ka diçka që nuk shkon. Strategjia e PS ishte që të goditet maksimalisht LSI, për dy arsye. E para që socialistët të kthehen drejt PS, me joshje, me një çik dhunë, me SPAK dhe me një çik takt. Dobësimi i pozitës së LSI brenda opozitës, i jep një efekt të dyfishtë PS në rezultat. Strategjia është shumë e qartë?, deklaroi ai.

Sipas z. Manjani rënia e votave për LSI, e cila në sondazhin e parë kishte një mbështetje prej 10.3% dhe më pas ra në 9.1% dhe për të përfunduar në sondazhin e sotëm në 7.6%, nuk është shoqëruar me rritjen e PS, por ka pasur rritje PD dhe zona gri e të pavendosurve.

?Nuk është e gjitha e sigurt që kjo rrudhje e LSI është e gjitha e PS, pasi PS mbetet e saturuar. Ka një rrëshqitje që me shumë gjasë justifikohet me rritjen e PD dhe rritje e të pavendosurve. Këtu është zona e votave ku partitë duhet të kërkojnë në qoftë se duan që të jenë të suksesshme?, përfundoi z. Manjani.

Iris Luarasi, pedagoge e shkencave të komunikimit në Universitetin e Tiranës thotë se PS ngelet e qëndrueshme kurse lëvizjet kanë ndodhur në kampin e opozitës, ku ka rritje të PD dhe rënie të LSI. Pavarësisht se ku kanë shkuar votat e LSI, znj. Luarasi thotë se kjo është një e dhënë shqetësuese për LSI dhe që duhet analizuar.

?Kjo ka ndodhur ndoshta sepse para se të dilnin listat finale kishte një  pikëpyetje nëse do të bashkoheshin, ndoshta mund të ketë lidhje me këtë, nuk di ta them 100%. Mund të jetë edhe që nuk është rritur vetëm PD por edhe pjesa e atyre që thonë se ?nuk e di?. Në të tëra rastet, nëse I kanë ikur mbështetësit tek PD apo që I kanë dalë tek pjesa ?nuk e di? është një e dhënë shqetësuese?, tha ajo./euronews





Lajmet e fundit nga