web counter
LEXO PA REKLAMA!

SHKARKO APP

App Store
Google Play

E fundit!

x

Topalli dhe Patozi duan rrëzimin e Bashës/ Berisha: Zgjedhësit duhet të votojnë PD-në

11 Mars 2021, 19:44, Politikë CNA

Ish-kryeministri Sali Berisha është pyetur mbrëmjën e sotme për Jozefina Topallin dhe  Astrit Patozin, të cilët kanë krijuar parti të reja dhe kanë deklaruar se nuk do të lidhin koalicion me Lulzim Bashën.

Berisha tha se PD i ka ftuar të bashkohen me ta, por Topalli dhe Patozi nuk kanë pranuar. Ai bëri thirrje për qytetarët që të votojnë PD-në dhe koalicionin opozitar, pasi pretendon se është e vetmja forcë që mund të largojë Edi Ramën nga pushteti.

?Të gjithë ata kanë patur një ftesë nga PD. Kanë refuzuar bashkimin se ata janë zotuar se do rrëzojnë tre partitë e mëdha apo dy të mëdhatë dhe do luftojë vetë në këto zgjedhje.

Mendoj se zgjedhësit që duan vërtetë të largojnë Edi Ramën do duhet të votojnë opozitën për ndryshim dhe do ishte një kontribut për këdo për rrëzimin dhe largimin e kësaj të keqje të madhe. Se të kujt do jenë votat e atyre partive unë nuk mund ta them.

Nuk vendos epitete, por theksoj dhe ftoj zgjedhësit në mbarë Shqipërinë, të cilët janë të bindur se Edi Rama duhet të largohet një minut e më parë të votojë PD-në dhe partitë e opozitës. Unë thërras këdo të bashkohet me PD me bindjen më të madhe se kjo është rruga e sigurt për të larguar Edi Ramën?, theksoi ish-kreu i PD-së në emisionin “Frontline”./ CNA.al





Lajmet e fundit nga