web counter
LEXO PA REKLAMA!

SHKARKO APP

App Store
Google Play

E fundit!

x

Denoncimet e PD për PPP-të dhe korrupsionin/ Topalli: Janë 8 vite me vonesë

5 Mars 2021, 21:38, Politikë CNA

Drejtuesja e Lëvizjes për Ndryshim, Jozefina Topalli, tha se nuk ka heshtuar asnjëherë për çështjet që çalojnë sociale në Shqipëri.

Topalli tha se në vitet 2013-2017 në Parlament ka kryer betejën më të madhe, ndërsa theksoi se ajo ka qëndruar për 12 vite në opozitë.

Ish-kryeparlamentarja theksoi se kur dëgjon opozitën e sotme të Lulzim Bashës që flet për korrupsionin dhe PPP-të, reagon me një buzëqeshje ironike për shkak se kauza e tyre është shumë e vonuar.

?Unë nuk kam heshtur asnjëherë. Në periudhën 2013-2017,kur Partia Demokratike shkoi në opozitë, besoj nuk ka njeri që të thotë që unë të kem heshtur.

Partia Demokratike ka ikur në opozitë në 2013-ën. 2013-2017 kam qenë në Parlament. Kemi bërë betejën më të rëndësishme, kundër kriminelëve brenda Parlamentit. Nuk kemi ikur, as s?kemi patur frikë, as s?jemi shmangur.

Jeta ime është më shumë jetë opozitare sesa qeverisje. Unë kam 12 vite në opozitë dhe kur dëgjoj sot të flasin për PPP-të, korrupsionin apo krimet të them të drejtën e gjej veten me një buzëqeshje. Sigurisht që është ironike, është aq e vonuar, është 8 vite me vonesë?, nënvizoi Topalli në ?Spotlight?./ CNA.al





Lajmet e fundit nga